شبابيك على الحياة

من اجل رؤية ما يدور حولنا , لننظر من الشبابيك

سيناريوهات الحرب




سيناريوهات الحرب

الحرب حاليا ليست بين جيشين او قوتين نظاميتين , بل بين جيش و حركة مسلحة
نبص على خريطة لبنان الاول

ايه السيناريوهات المطروحة ؟؟

-1
انهيار مقاومة حزب الله واسرائيل تسيطر على شريط حدودى فى جنوب لبنان __ اعتقد ده خيار مستبعد فى الوقت الحالى نظرا لا اسرائيل تركز على الضربات الجوبية التى لا مكن ان تقضى على حركة شعبية

-2
استمرار القتال لفترة اكبر من المتوقعة ومن ثم تدخل قوات برية لحسم الامر وده هأيأدى لاشتباك ذات خسائر كبيرة فى الارواح والمعدات للجانب الاسرائيلى لانه سيدخل مدن وقرى ومن ثم يسهل عمليات حرب العصابات التى يتميز بها حزب الله

-3
تطوير الهجوم الاسرائيلى شمالا فى اتجاه سهل البقاع -- ودى منطقة خطر بالنسبة لسوريا لانه من سهل البقاع يسهل توجية ضربات مؤثرة لدمشق

-4
توسيع اتجاه الضربات باتجاه سوريا – خصوصا اذا كانت عملية تزويد حزب الله باسلحة
وفى الحالة دى ايران هتضطر تدخل للدفاع عن سوريا – تم توقيع معاهدة للدفاع المشترك بين البلدين فى اوائل العام الحالى – وهذا السيناريو يجر المنطقة بالكامل الى الحرب لذا يستبعد ان وافق امريكا على توسيع اسرائيل لعملياتها

-5
صدور قرار من مجلس الامن – بعد تأخير يعطى اسرائيل الفرصة لتدمير البنية التحتية وقزاعد تدريب لحزب الله ولبنان عموما – بتدخل قوات دولية تستلم تأمين الشريط الحدودى بين اسرائيل ولبنان
وهذا السيناريو يعطى اسرائيل جزء كبير من اهدافها الا وهو ابعاد حزب الله عن قواعده على الحدود


فى كل الاحوال لن تدوم طويلا لان الهدف الاساسى لاسرائيل هو ابعاد حزب الله عن الحدود وادخال قوات دولية لتامين الشريط الحدودى ومن ثم ابعاد حزب الله عن قواعده المتقدمة لانه من الصعب القضاء على حركة شعبية بضربات جوية او حتى بحرب برية


ورغم النار والطوفان
سوف تجيء أيام تحاسبنا..
فتخلع ثوب من خدعوا
وتكشف زيف من صمتوا
وسيف الله يا بيروت رغم الصمت
سوف يظل يحميك
------------------------ مقطع من قصيدة يا زمان الحزن في بيروت
لفارق جويدة

نحن الواقفين على خطوط النار نعلن ما يلي:
لن تنرك الخندق
حتى يمرّ الليل
بيروت للمطلق
و عيوننا للرمل
في البدء لم نخلق
في البدء كان القول
و الآن في الخندق
------------------------ مقطع من قصيدة بيروت
محمود درويش

خالى من الكوليسترول




النهاردة كانت المرة التاسعة تقريبا اللى اشوف فيها فيلم خالى من الكوليسترول
وكل مرة باتاكد ان
اشرف عبد الباقى ده ممثل ممتاز , بس مش واخد حقة
وفعلا فى الفيلم ده قدم دور مليان تفاصيل صغيرة بس موحية , وقدر انه
يوظه حركاته بصورة جيدة جدا
وبتأكد اكتر انى معظم – مش كل – الافلام اللى مابتعجيبش الجمهور بتبقى فى الغالب افلام حلوة بزيادة

القصة والسيناريو جامدين جدا شوفتو الفكرة اللى فى الفيلم , ببساطة بيقولك ازاى ان المصريين بيتوجهوا ويتغيبو عن العالم بحاجات عادية ( ده رأى )
اختيار اسم ايوب للبطل بيخليك متوقع انه يصبر ويستحمل – المثل بيقول يا صبر ايوب - بس حتى اللى بيبيع افكاره ويضغط على اعصابه بتجيله لحظة وينهار

ياخوفى لنكون بطلنا رفاهية الانهيار دى
المخرج محمد ابو سيف قدر انه يطلع كتير قوى من اشرف عبد الباقى , قدر يطلع منه كوميديان ممتاز وفى رأى النقاد انه كان احسن كوميديان فى وقت عرض الفيلم - 2005 - بس طبعا الايرادات اللى بتحكم السوق المصرى كانت اقل من المأمول بالنسبة لفيلم فيه فكرة جديدة وتعامل جديد مع الجمهور
كفاية نعرف ان الفيلم حقق ايرادات: 409177 جنيه مصري

رجعت للشباك

يااااااااااااااااااااااااه
انا كنت فين , بقالى ست شهور مش قادر اكتب كلمة , ياترى ليه ؟؟؟
انا بستهبل , انا عارف السبب بس بستهبل

طب ليه رجعت اكتب ؟

يمكن علشان زهئت من القراية , زهئت من الكلام ....

ولا يمكن علشان عاوز اقول اللى انا عاوزه , مش عارف , عموما ياللى رماك اللينك ( ماهو مش حظ ) على الصفحة دى , ياريت ماتتخنئش منها , ربك يسهل

ويحعلها عامرة بالكلام والكتابة

يلا , ملك ولا كتابة