جوجل , عمى وعم عيالى ,انا مش عارف اللى شغالين فى جوجل دول بينامى امتى
كل يوم حاجة جديدة , افتكاسة جديدة , بجد الواحد مش عارف بيجيبو الافكار دى منين
تخيلو كده الانترنت من غير جوجل كنا هنعمل ا يه
وتخيلو كده جوجل بعد كام سنة هيكون فيه خدمات ايه
About Me
- Ensan
- I am ordinary man " Independent, Adventurous, , Funny, Aggressive, Calm, Passionate...", love the people,Like to be with Friends, Love to be alone, love the fun but If there is work i do the best in my work, have nothing special except being Human, i love reading , see the world around me ,
الاسبوع اللى فات ياهو اعلنت انه الايميلات مساحتها هتبقى غير محددة
يعنى خلاص مش هتبقى مضطر انك تمسح ايميلات اى تنزلها على الجهاز علشان الايميل قرب يتملى
بيتهيالى انه بتحاول ترجع الاستخدام ليها خصوصا بعد ماجوجل و جى ميل اخدمو معظم المستخدمين , وبقى معظم الناس بتعتبر ايميل جى ميل هوة الاساسى ليها ,
فين زمان لما كانت الايميلات 2 ميجا ولما وصلت 4 ميجا عملنا فرح
انا بحب المطر جدا , وبحسد الاطفال لما يكون فيه مطر خفيف و هما بيلعبو تحته
بحب اتمشى تحت المطر بس لما يكون خفيف مش مطر جامد , لكن مطر فى شهر مايو ده جديد النهاردة لما مطرت كنت مبسوط قوى ,
كان مطر خفيف ومنعش , فضلت واقف فى الشارع تحت المطر ,
كنت مبسوط , محستش بكده من زمان ,
ولما روحت مطرت تانى بالليل فضلت واقف فى البلكونة
و الهوا بيجيب المطر على وشى , بس ولاكنت هنا ,
كنت سرحان فى المطر وعلى طول بفتكر اغنية شتا بتاعة محمد منير وبقعد اغنيها مع نفسى
حط الدبله وحط الساعه ....حط سجايره والولاعه
علق حلمه علي الشماعه
شد لحاف الشتا علي جسمه ...دحرج حلمه وهمه واسمه داري عيون عايزين يبتسمو
اللي قضي العمر هزار ...واللي قضي العمر بجد
شد لحاف الشتا م البرد
الاحلامكل شخص فيه افكار كتير بتيجى على دماغه , ممكن يسميها احلام او هلاوس او طموح , او يمكن حتى تبقى تخيلات
احلام النوم
ياما الواحد بيحلم بحاجات كتير , ويصحى من النوم مبسووووووط و اول حاجة يقوله
يااااااااه انما انا حلمت حتة دين حلم انما ايه
ولما تيجى تستفسر ايه اللى حلمت بيه , يقولك مش فاكر بس اهو كان حلم حلو
وقليل لما الواحد بيفتكر اللى حلم بيه
بس انماا يه , او ماتحلم بكابوس , تلاقيك فاكره و تقعد مخنوق طول النهار
يوقولك ماتقلش فى الاكل قبل ماتنام علشان الاكل مايطبقش على مراوحك
وبيقول انك لو بتذاكر حاجة صعبة ذاكرها قبل ماتنام على طول فالمخ هيفضل شغال فيها طول الليل و هتقدر تفتكرها بصورة احسن
نيجى بقى لتفسير الاحلام , ده علم ولا دجل و شعوذة
واللى بيفسرو الاحلام بالدين , انا مااعتقدش انى قريت فى القرأن او فى احدايث معانى الحاجات اللى بتتشاف فى الاحلام , الحاجة الوحيدة اللى اعرفها ان الرسول (ص ) قال من رأنى فى المنام فقد رأنى حقا , فان الشيطان لا يتجسد بهيئة الانبياء "
والحاجة التانية , ان " رؤى الانبياء حق " ماسمعتش عن ان اللى يشوف مية فى الحلم فمناها انه فيه رزق جايله و لا الحاجات دى
معلوماتى عن الكلام ده قليلة قوى , بس لما بلاقى اى برنامج من بتوع تفسير الاحلام ده شغال بقوم قالب على طول
ومش عارف ليه اى واحد يقول حلم يتقاله , خير , هتتكسى
ونكمل الكلام بعد الفاصل
Subscribe to:
Posts (Atom)