شبابيك على الحياة

الموسم

Posted by Ensan Saturday, March 31, 2007 comments (0)

فى كل مناسبة دينية تلاقى التلفزيون بيذيع نفس الافلام

كل مرة و فى نفس التوقيت خلاص انا زهقت , الافلام اتحفظت ومحدش بقى بيتفرج عليها ,

ماعدناش قادرين نعمل افلام جديدة مش كفاية ان التلفزيون المصرى اخر تلفزيون يذيع

فيلم الرسالة ( وتقريبا ماذاعوهوش الا لما شريط فيلم عطل ولا حاجة ) طيب حتى المسلسلات الدينية فى رمضان بيذيعها اخر الليل - اهو برضه يكسب ثواب و يصحى الناس للفجر

عصافير

Posted by Ensan Friday, March 23, 2007 comments (3)

النهاردة اول يوم انزل الجامعة من فترة , وهوة برضه انزل بعد تقتيل الدستور طبعا الملاحظة المعتادة هوة كم عربيات الامن المركزى اللى مطوقة كل بوابات الجامعة ,

وكم الامن اللى على البوابات و كله شادد حيله لكن الجديد اللى لاحظته فى الجامعة كلها - وتعمدت انى اروح كذا كلية علشان اشوف الوضع -ان مفيش شلة او مجموعة واقفة

الا واقف جمبها واحد من عصافير الامن - الطلبة المخبرين من الاخر- وطبعا مفهوم ليه يقفو جمب مجموعات الاخوان , لكن درجة الخوف وانه لازم يسلمو الاخبار وصلت انه حتى لو مجموعة شباب من اللى مش فى دماغهم واقفين بيهيسو او اى حاجة برضه جمبهم واحد من المخبرين دول ماليين الجامعة وراميين ودانهم مع اى واحد بيتكلم عاوزين يعرفو الطلبة بتقول ايه , ولا فيه مظاهرة ولا اى حاجة
واضح ان حرامية الجامعة - حرس سابقا- عندهم اوامر انهم يشدو حيلهم ويصحصحو اليومين دول ومع ان النهاردة اخر الاسبوع و معظم الطلبة مابتجيش او مسافرة لكن برضه الحذر واجب

ماهو اللى بيسرق بيفضل خايف لغاية مايهرب بالسريقة بتاعته

فرعون

Posted by Ensan Wednesday, March 21, 2007 comments (2)

قَالَ فِرْعَوْنُ مَا أُرِيكُمْ إِلَّا مَا أَرَى وَمَا أَهْدِيكُمْ إِلَّا سَبِيلَ الرَّشَادِ (29) سورة غافر

وَنَادَى فِرْعَوْنُ فِي قَوْمِهِ قَالَ يَا قَوْمِ أَلَيْسَ لِي مُلْكُ مِصْرَ وَهَذِهِ الْأَنْهَارُ تَجْرِي مِن تَحْتِي أَفَلَا تُبْصِرُونَ (51) سورة الزخرف

...................

Posted by Ensan Tuesday, March 20, 2007 comments (2)

مش لاقى تعليق غير

اه يا بصمجية يا ولاد الكلب

رسالة الى حاكم

Posted by Ensan Saturday, March 17, 2007 comments (3)

سيدى الرئيس

معذرة لمخاطبتى اياك , واعتذر مقدما عن اى اخطاء ترد فى خطابى فاانا انسان لم يعتد مخاطبة الرؤساء

انا انسان عربى و لد ومضى من عمره قرابة ربع قرن لم يتغير فيها الا بضع ملوك من ملوك العرب

لسبب خارج عن ارادتهم , بسبب الموت

ولكنك جئت من 19 شهر و صرحت انك سترك السلطة , بالطبع لم اصدق

فمن متى يترك حاكم عربى السلطة بقرراه ولكن بعد الانتخابات النيابية ,

والتجهيز للانتخابات الرئاسية بدات افكر هل من الممكن ان تفعلها

هل من الممكن ان تترك السلطة و تنعم بمكانك فى كتب التاريخ باعتبارك ثانى حاكم عربى يفعلها

واذا تركتها , من سيحكم الشعب الموريتانى , من غيرك يستطيع قيادتهم فى الظروف الدولية الراهنة , من غيرك يستطيع قيادة الدولة و الشعب الغير واعى ديموقراطيا

الم يحدثك السادة الحكام العرب ؟؟ لم يحاولو ان يثنوك عن قرارك , الم يحاولو ان يوضحو انه لم يحن الوقت بعد ليموقراطية حقيقية

كيف سيكون موقفهم اما شعوبهم وهم يرون شعبك يختار رئيسه و هم لا يزالون مقتنعون ان شعوبهم غير ناضجة ديموقراطيا

الم تتخيل كم الاتصالات واللقائات التى عقدت لبحث طريقة لاثنائك عن رأيك

سيدى الرئيس لقدت اثبت وجهة نظرك و خلدت اسمك لكن من فضلك لم يتأخر الوقت بعد

لازالت هناك جولة اعادة , عد عن قرارك و الغى هذه الانتخابات , وان كنت لابد فاعل , فرشح نفسك فشعبك لازال محتاجك , رشح نفسك واعطه فرصة اختيارك , فاانت اكيد ستنجح ان رشحت نفسك ولكن اترك لنا مكان نقول فيه ان جميع الدول العربية مثلنا

سامحك الله على مافعلته بنا و بشعبك

سيدى الرئيس ,كن حاكما عربيا

وان ابيت الا انت تدخل كتب التاريخ , فارجوك اذكرنا بالخير

من مواطن عربى

Objection

Posted by Ensan Wednesday, March 14, 2007 comments (1)

احترس من فضلك , الوطن يرجع الى الخلف
صحيح بنرجع للخلف من زمان , بس كان عندى امل اننا نخبط فى حيطة او حارة سد

ونبطل رجوع للخلف , لكن دلوقتى احنا بنرجع للخلف واحنا على حافة الجبل , يعنى هنقع من على الجبل للوادى اللى تحته , فلازم اكرر التحذير

احترس من فضلك الوطن يرجع للخلف

انا اعترض ولازم اعترض

لما يكون عندى عربية بسم الله ماشاء الله - اوعو تحسدو - مرسيدس موديل 1960 -مالها حمارتك العرجا بتغنيك عن سؤال اللئيم -وجايب سواق يسوقها , والسواق ده كل شوية يعمل بيها حادثة

وانا سايبه واقول اهو مسيره يتعلم , مسيره يمشى عدل بس لما يكون خلاص داخل بيا على حادثة كبيرة و على الاقل هايقضى على العربية ان ماموتنيش معاها , لازم اتكلم و ازعق فيه واعترض هوة مش بيخاطر بنفسه بس , ده بيخاطر بيا و بعيلتى و بعربيتى

السواق اللى سايق مش شايف ولا عاوز ينتحر لازم احزره ماهى دى عربيتى وهوة مجرد سواق

لازم اعترض

ملحوظة : الصور المرفقة انا معدل فيها وكاتب الكلام عليها , لكن الصورة الاساسية كانت موجودة عندى ومش عارف حقوقها من موقع ايه

كلمات

Posted by Ensan Monday, March 05, 2007 comments (3)

الراجل محمد ابو سويلم ده مش ها يجيبها لبر أبدا ....بيحفر قبره بايده

فيلم الارض

------------------

الحطابين فى الجبال والفلاحين فى المزارع والعجائز حول نار المدفأة فى ليالى الشتاء ينتظرون

عودتى وعلى رأسى أكاليل الغار

فيلم الناصر صلاح الدين

-------------

اهداء ل -عاوزة اتجوز - و كل اللى عاوز يتجوز

عريس يا اماى
عريس يا بوى طخة بس متعوروش

فيلم البحث عن فضيحة

الماريونيت

Posted by Ensan Wednesday, February 28, 2007 comments (4)

عروس الماريونيت
متعلق فى خيوط سودا على خلفية سودا
بتحرك والناس بتتضحك , دى مش حركاتى ولا تصرفاتى
انا مجرد دمية خشبية , مربوطة ,
لا اقدر افتح الستارة ولا اقدر اقول لأ
مأقدرش اعمل حركة واحدة , من غير اللى مستخبى ورا الستارة يكون عاوز
-
تصرفات كتيرة بتحس ان اللى قدامك بيعملها لمجرد انه يبسطك او يريحك
او ساعات علشان يشترى دماغه
تصرفات كتيرة بتحس انها متكلفة , ولزوم المظهر العام و الشكل الاجتماعى
الدمية بتتحرك , وماانتاش شايف اللى بيحركها
الناس برضه دمى بتتحرك على المسرح
المثل بيقول , مالدنيا الا مسرح كبير
وانا بزود انه مسرح ماريونيت
الناس بتتحرك , وماانتاش عارف اذا كانو بيتحركو من دماغهم ولا حد بيحركهم
الظروف والعلاقات الانسانية والناس اللى حوالينا هما دول الخيوط اللى بيحركونا
هما دول اللى بيتحكمو فى حركاتنا
وكل مالدايرة المحيطة بالشخص وسعت , حركته بتقل
لانه عاد محكوم بظروف اكتر و ناس بتحرك اكتر
وقل مالشخص كانت علاقاته قليلة , بيعمل اللى على مزاجه ومابيهموش حد
لاحظها فى المشاهير , سواء من الفنانين او رجال الاعمال
هتلاقى عمره مابيكون على طبيعته , على طول الابتسامة على وشه
على طول بيحيى الناس , صحيح بتكون ابتسامه مرسومة و متكلفة
بس ضرورية بالنسبة له , لانه مش متحكم فى تصرفاته
ولازم يرضى كل اللى شايفينه

لو كل واحد نور المسرح بتاعه
ياترى هايشوف اللى بيحركوه

مفاهيم الحياه على البقر

Posted by Ensan Wednesday, February 21, 2007 comments (4)

وصلنى التعريفات دى من زمان , بس لقيته مبعوتالى تانى على الايميل قلت اشارككم بيها

----------------------------------------------------------------------------------

الاشتراكية: أن تكون لديك بقرتان تعطي واحدة لجارك

الشيوعية : أن تكون لديك بقرتان فتأخذ الحكومة الاثنتين وتمنحك بعض اللبن

الفاشية : أن تكون لديك بقرتان فتأخذ الحكومة الاثنتين وتبيع لك بعض اللبن

النازية : أن تكون لديك بقرتان فتأخذ الحكومة الاثنتين وتعدمك

البيروقراطية : أن تكون لديك بقرتان فتأخذ الحكومة الاثنتين وتقتل واحدة وتحلب الأخرى وتلقي باللبن بعيدًا

الرأسمالية : أن تكون لديك بقرتان فتبيع واحدة وتبتاع ثورًا، من ثم ينمو القطيع فتبيعه وتتقاعد معتمدًا على الدخل

شركة أمريكية : أن تكون لديك بقرتان فتبيع واحدة وترغم الأخرى على أن تعطيك لبن أربع بقرات ثم تستأجر خبيرًا استشاريًا لفهم لماذا ماتت البقرة

شركة فرنسية : أن تكون لديك بقرتان فتعلن الإضراب لأنك تطالب بثالثة

شركة يابانية: أن تكون لديك بقرتان. تعيد تصميمهما جينيًا بحيث تصيرا عشر حجم البقرة العادية، مع مضاعفة اللبن عشرين مرة. ثم تبتكر شخصية بقرة للرسوم المتحركة اسمها (كاوكيمون) وتسوقها في العالم كله

شركة ألمانية: أن تكون لديك بقرتان. تعيد تصميمهما جينيًا بحيث تعيش الواحدة مائة عام وتحلب نفسها وتأكل مرة كل شهر

شركة إيطالية : أن تكون لديك بقرتان لكنك لا تعرف أين هما ثم تكف عن البحث لأن ساعة الغداء حانت

شركة روسية: أن تكون لديك بقرتان تعدهما فتجد أن لديك خمس بقرات. تعد من جديد فتجد أن العدد 42 تعد من جديد فتجد أنهما بقرتان تتوقف لتفتح زجاجة فودكا أخرى

شركة سويسرية : أن تكون لديك 5000 بقرة لا تملك واحدة منها. لكنك تتقاضى من الآخرين ثمن الاحتفاظ بها

شركة صينية : أن تكون لديك بقرتان ولديك 300 واحد لحلبهما. تنشر أخبارًا عن انعدام البطالة وتقدمُ صناعة الألبان وتعتقل الصحفي الذي نشر الأرقام الحقيقية

شركة هندية : أن تكون لديك بقرتان وأنت تعبدهما

شركة بريطانية : أن تكون لديك بقرتان مجنونتان

شركة مصرية: أن تكون لديك بقرتان كلتاهما ذهبتا لمبايعة مبارك

Y-Tube

Posted by Ensan Tuesday, February 20, 2007 comments (2)

معظم الناس بترفع ملفات الفيديو على يو تيوب

Y-Tube وفيه طرق كتيرة لتنزليل الملف وحفظه من
على الكمبيوتر

بس اعتقد ان اسهل طريقة هوة برنامج

YouTube Grabber

وده شرح مبسط ليه

وبعدها ستجد الملف الذى تريده بجوار ملف Grabber
ولتشغيل الملف ستحتاج YouTube Player

لتحميل البرنامج
http://rapidshare.com/files/17268580/Y-T-Pack.zip.html

نداء

Posted by Ensan Sunday, February 18, 2007 comments (2)

الى ذوى القلوب الرحيمة ممن سبقونا فى التحويل الى المسمى بيتا .,

اعذروا اخ لكم فى محنة , وارحموا عزيز قوم ذل ,

كنا فى عز بالبلوجر فجاء المسمى بيتا ليقضى على امالنا فى حياة كريمة فى فضاء تدوينى رحب , بدون مشاكل

, ابى علينا الا ان يأتينا ببعض من مشاكله , معلش يا جماعة بيتا ضربلى دماغى

, دلوقتى المشكلة اللى قدامى انى اللى عامل اسمه بالعربى مابيبنش فى التعليقات

, يا ترى ياهل ترى , المشكلة دى تتحل ازاى

, افيدونا افادكم الله

حكمة

Posted by Ensan Saturday, February 17, 2007 comments (0)

إذا أردت شيئا, فاجعل من يملكه يريد أن يعطيك إياه

بالطريقة دي , هتاخد اللي إنت عاوزه , وهوة هايكون مبسوط انه اداهولك

تحديث

"Real victory is changing the hearts of your opponents by gentleness and kindness."

(Salah Al-Din)

دماغ ناشفة

Posted by Ensan comments (0)

منهم لله , اعمل فيهم ايه :@:@:@:@ ,

انا مش عاوز احول لبلوجر الجديد (بيتا سابقا ) داخل فى امان الله اكتب بوست جديد

لقيت بلوجر راسه والف جزمة قديمة انه لازم احلو للجديد ,

وانا احاول معاه واقنعه انى مش عاوز برضه ,

قفلت معاه - باين عليه دماغه ناشفة ,

وانا قلت حرام مش هااحول , بس الظاهر شربنى حاجة اصفرة خلانى ادوس كونتينيو

, وااااااااااااااااااء ,

وادينى بحول اصلاح الخساير ,

وشكر الله سعيكم , ولا اراكم مكروها فى بلوج لديكم

do u know ??

Posted by Ensan Sunday, February 11, 2007 comments (2)

لا ادرى
I don't know
je ne sais pas
ايه اللى بيحصل للناس
ولا هما فين الناس اصلا , مفيش حاجة منهم
مش هااسال عن الرجالة - علشان محدش يوقل ماتو فى الحرب
بي فين البنى ادمين , فين الروابط بين البشر ولا خلاص
بح خلاص

افكار

Posted by Ensan Wednesday, February 07, 2007 comments (4)

حالة غريبة بيمر بيها ناس كتير , بيبقى قى صفاء نفسى عجيب وهما لواحدهم , فى نفس الوقت بيكونو اجتماعيين جدا مع الناس وبيصاحبو ناس و بيعملو علاقات

كلمة واحد قالهالى من زمان وانا عندى بتاع 6 سنين
كنت بقله ياعمو انت غريب ليه – واخد بالك من برأة الاطفال –
يعنى ايه يا حبيبى , قصدك ايه بغريب
يعنى قصدى يا عمو انك مش بتلاعبنى زى باقى الناس , مش بتتكلم كتير و بتقعد ساكت
-شوف بقى قوة الملاحظة – وعلى طول ياعمو بتقعد على الكرسى ده
انتا مش عاوزنى العب معاك

وتفرق معاك

بصراحة لأ و كتير بيلعبو معايا , بس انا عاوز اعرف انت ليه كده

بعدها بحوال 10 سنين ,
وانما بقرأ فى كتاب عن النفس البشرية والتصرفات
كانت جملة معلقة معايا
كل شخص بيبنى حوله سور , وعلى قدر ارتفاع هذا السور بيكون شخصيته غامضة او مفهومة
فيه ناس مها تحس انك صاحبهم او قريب منهم , لو جيت تشوف انك تعرف عنهم ايه , هتلاقى اللى تعرفه يعرفه اى واحد حتى لو لسة عارف الشخص ده
الغموض بيلف شخصيته , بيدارى اى امور شخصية , بيتكلم عن اى حاجة فى العالم الا عن نفسه

وفيه شخصيات من اول قعدة بتعرف عيلته و عيلة العيلة

اختلاف بسيط , لكن ساعات كتير يسكون الناس اللى غامضين فى شخصيتهم اجتماعيين جدا
يمكن ده يكون علشان يبعدوك عن حياتهم الخاصة بيدخلو حياتك انت

بس الناس الغامضين – زى مابنقول عليهم – بيكون اكتر ناس بيتألمو وبيحسو بالوحدة وهما لوحدهم
لانهم بيحبو يكونو وسط الناس , يكونو جزء من حاجة كبيرة

OTV

Posted by Ensan Tuesday, February 06, 2007 comments (0)

امبارح كانو مستضيفين نجيب سويرس فى البيت بيتك , علشان يتكلم عن الاعلام
من امتى لما بطلع قناة جديدة بيجيبو صاحبها يتكلم عن القناة وكل شوية يعيدو اسمها
والله اللى كان ناقص انهم يعلنو عن التردد بتاعها
OTV ربنا يسهل و تبقى عدلة

Success

Posted by Ensan Monday, January 22, 2007 comments (0)

What's the Secret of Success?

"Takes pain," said the window.
"Keep cool," said the ice.
"Drive hard," said the hammer.
"Be up to date," said the calender.
"Never be led," said the pencil.
"Be sharp," said the knife.
"Make light around you," said the fire.
"Stick to it," said the glue.
"Be bright," said the lamp

So Why we can't Achieve Success

We can Afford pain
it is difficult to be cool with all the surrounding
and if i drive hard i will make accident and
either me or another one will die - may be both of us

i am not Luck ( mesh ebn 7ad fe masr ) so i can't have the updates ( 3an el borsa masalan )
Never be led ( ha7'alony Led 3'asb 3any )

we law fedelt sharp hayseno el skakaen 3alia

and the rest of secrets , what u think about it :D

-----------------------------------------

بى اسات

بعتذر عن كتابت الفرانكو اراب وسط الانجليزى

الكلام ده غير مقصود بيه اى معنى غير المعنى اللى قصده الكاتب , واى فهم بصورة او باخرى فده مسؤولية اللى بيقرأ الكلام ده

ومفيش اى مسالة قانونية او ................ ايه الكلام ده

طبعا كلنا فهمنا ان المقصود هما دكاترة الجامعة واللى بيعملوه فى الطلبة الغلابة خصوصا بتوع الامتحانات ... ولا حد فهم حاجة تانية

الفارس

Posted by Ensan Monday, January 15, 2007 comments (2)

فى كتب الاساطير عشت سنين

جوة الكتاب شوفت سقوط ايكاروس
وعذاب برومثيوس
رأيت بطولات هرقل
و مزاح هيرا مع البشر
كلنا تابعنا طروادة
وازاى إبيوس صنع الحصان
وقيادة أوديسيوس للجنود الاغريق
--------------------
فى كتب الاساطير مذكور وصفه
مش مهم اسمه ايه ولا فى انهى بلد , كلهم شبه بعض
فى بلاد الاغريق كلهم ابطال او بيحاول يكونو ابطال
فى بلاد الاغريق مفيش حقيقة ولا خيال
لانه كله مكتوب فى الاساطير
فى كتاب الاساطير اللى عايش عبر الزمان
------------------------------------------
كنت معاه جوة الكتاب محبوسين , انا مجرد تابع بتفرج عليه
وهو بيحاول يكون بطل , بيحاول يهزم عشرات الوحوش و المسوخ
اشمعنى هوة اللى معاهوش جميلة من جميلات الاساطير
اشمعنى هوة افروديت محنتش عليه بواحدة
ولا كيوبيد لعب بسهم ورماه على صبية من الصبايا اللى واقفين عند مياه الغدير
عايش وحيد منبوذ وسط البلاد

كل قرية يروحها ليها البطل اللى مستولى على القلوب فيها
كل حتة فيه بطل , مش شرط هرقل
مش لازم ايرس يكون موجود
بس كلهم ابطال
واللى مش بطل , بيدوسه الابطال
هوة مابيطلبش كتير
مابيحلمش بالمستحيل
الابطال مليين الاساطير .. ليه مايكونش واحد منهم
لو هو عاجب الناس بأصله مكنش طلب يغيره
بس الناس مابتحكمش الا على المظاهر
وهوة لازم يغير المظهر
لازم يعلى على الناس
---------------------
محبوس وسط الكتاب
وسط صفحات ملاها التراب
وسط الضلمة , مستنى الصباح يلوح بضياؤه
قعد يفتكر الزمن ويفتكر القرار
---------------------
قطع جبال ووديان
عدى علا بلاد منهوبة , بلاد تحرسها النيران
علشان يوصل لاوليميبا
على البوابة وقف
وقعد ينادى على الحراس
ينادى على زيوس
بيترجاه انه يديبه فرصته انه يكون بطل
انه يحاول يحقق المستحيل
انه ياخد شرف البطولة
------------------
التمن كان غالى
مش مهم دفع ايه او ايه كان الاتفاق
المهم انه هياخد راتب تفرغ لغاية مايبقى بطل
او يفشل
-------------------
لكن هيرا ابت الا التدخل
ربطت البطولة بتحريره للجميلة
التى يحرسها السيكلوبس
وعشرات الوحوش طوال الطريق

ومااكثر الوحوش , ومااسهل من تصنيع وحش جديد
---------------
عيشة صعبة , مطلوب منه يقتل كل يوم خمس وحوش و ينقذ قريتين تلاتة
عيشة صعبة , زمن اللى مهواش فيه بطل او وحش بينضرب بالنعال
عيشة صعبة , البدل اللى بياخدهم من زيوس مابيكافيش حاجة
وزيوس قال مش هايزوده لا لما يبقى بطل او يموت وبكده مش هيبقى محتاج فلوس
فالموتى بيعبرو النهر فى المركب مجانا
-----------------
الكتاب اتفتح اخيرا , و اتحركت الصفحات
فاق من نومه , وقال اخيرا هااقدر اوصل
فى اخر الكتاب كانت منتظراه جميلة الجميلات

واحدة من الحسناوات اللى موجودين فى طول الكتاب
لقينا بينا بيجاسوس جه من كتاب جمبنا
ركب البيجاسوس وطار على

الفصل الاول
مش مهم الوصف , مش مهم الوحش

اهو وحش زى كل

الوحوش

يكشر عن انيابه , يحمل الجبل بيد

وفى نفس الوقت بينفث النيران و يزمجر ووووو الخ
المهم انه طبعا قتله ,
وعدى على الفصل التانى .. و قتل الوحش
والفصل التالت الوحش .... قتل البيجاسوس
الوحوش كتير , ومفيش اكتر منهم فى الزمن ده
اللى هوة زمن الاساطير
-------------------
بعد ماعدا المستنقعات والجبال ,
كنا لسة فى الفصل التالت , الكتاب كبير مليان فصول
البيجاسوس مات , والطريق طويل
وهوة تعب من القتال
تعب من الوحوش اللى مليين الاساطير
ولعن فى باله اهله الاغريق اللى ماكنوش فاضيين الا لكتابت الاساطير
ولزيادة عدد الوحوش و ابتكار الجديد منها
....................
جت فكرة فى دماغه , و وقال هاينفذها
هنرجع من الاول , بس مش هنمشى عبر الفصول
احنا هنروح للفهرس و ننط على الفصل الاخير
وبكده نوصل للجميلة من غير تعب
---------------
وفعلا رجع للفصل الاول
ووصل للفهرس
ونط عبر السطور جرى فى طريقه للفصل الاخير
بس وهوة بينط على عنوان الفصل الاخير
اتقفل الكتاب
ووقع الفارس فى زمنا الحقيقى
اللى لقاه ابشع من الاساطير
ابشع من الكتاب
ومفيش جميلة يوصلها ولا بيجاسوس يهرب بيه
مفيش ابطال ولا وحوش
لان اللى فيه قدرو ياكلو الوحوش
---------------------------------------

مريم

Posted by Ensan Saturday, January 13, 2007 comments (7)

فيه اغنية سمعتها مرة واحدة من زمان

من اكتر من 3 او 4 سنين بس لغاية دلوقتى بدور عليها

و مش عارف مين اللى بيغنيها اصلا . انا سمعتهامرة واحدة ومش كلها

على الاغلب كان فريق هوة اللى بيغنيها
الكوبليه اللى سمعته
مريم .... اسم طفلة فلسطينية كان ميلادها فى المخيم
مريم .... يوم 11 يناير مش مهم فى اى عام

لو حد عارف الاغنية دى ياريت يقولى عليها
شكرا

الوحدة

Posted by Ensan Thursday, January 04, 2007 comments (2)

الوقوف وحيدا

بتمر ايام على الواحد لما يبص حواليه مابيلاقيش حد , خصوصا لو بيمر بايام صعبة و يفاجىء ان محدش واخد باله انه لوحده ,محدش واخد باله ان فيه شخص واقف لوحده المفترض ان نكون حواليه

احنا فى فترة اعياد و المفترض فى العيد اننا بنسأل على بعض و نشوف حد محتاج حاجة او فيه ظروف بيمر بيها
ياترى احساسك ايه لما بتلاقى عاصفة ( مشكلة ) جاية عليك و انت محتاج مساعدة ومش لاقيها ياترى ممكن تطلب المساعدة ؟؟؟

طب فرضا انك مش عارف تطلبها مش تكبر او غرور بس انك من النوع اللى مابتعرفش تشتكى او تطلب من حد يساعدك وضعك هايكون ايه؟؟؟

تخيل معايا كده نفسك فى موقف من المواقف دى - اكيد مرت عليك كتير قبل كده مواقف زيها او العن منها , بس افتكر وشوف نفسك ساعتها

تخيل نفسك فى خناقة و اصحابك مدينك ضهرهم ومش واخدجين بالهم تخيل انك بتغرق ورا ضهور الناس ومش عارف تستغيث و محدش باصص ناحيتك تخيل ..... تخيل
عواصف كتير بتعدى على الواحد , ممكن يكونوا ورا بعض و ممكن يكونو بعاد
نخيل بقى معايا مش انت اللى فى مشكلة , و لكن واحد صاحبك , مش لازم انتيمك او صاحبك قوى تخيل كده بتبص فجأة لقيته فى مشكلة عارف احساسه دلوقتى ؟؟ عارف هوة نفسه فى ايه ؟؟ عارف ....ولا ايه

ياريت نبص حوالينا , مش لازم على طول قدامنا , نبص على اصحابنا اكيد فى حد محتاج حاجى واحنا مش واخدين بالنا

مش لازم تكون المساعدة منك , بس كفاية يحس انك عاوز تساعده

كفاية يحس انك موجود ومش مديله ضهرك مانستناش العاصفة لما تاخد كل حاجة مانستناش لما الحاجة تضيع و تسيب شروخ فى الصداقة و المعرفة بص حواليك وشوف واسال

ياترى لسة وقت

ولا خلاص عصفت العاصفة

؟؟؟؟؟؟؟؟؟؟؟؟

Subscribe to: Posts (Atom)