عن الانا اتكلم
انا المرادى مش انا ( تيتة او جدتى ) انا دى يبقى شخصى ( او اى شخص يقرا الكلام ده )
ياترى انا فعلا انا ؟؟؟ ايه اللخبطة دى ؟؟؟ يعنى ايه انا ممكن اكون اتبدلت
او اتنشلت من نفسى , ممكن
بس الموضوع ابسط من كده , ياترى انا الشخص اللى بظهر انى هوة ؟
ياترى انا فعلا مؤمن بالكلام اللى بقوله ؟؟
ولا بقول الكلام ده لزوم المظهرة والكلام وخلاص , ولا فعلا اللى بيتكلم بيبقى شخصى
افكار كتير بتيجى فى دماغى لما بكون لواحدى , باترى فعلا كنت هااحب الفيلم ده ولا علشان اصحابى قالو عليه تمام يبقى هو لازم يكون تمام
بس بلاقى نفسى باصرخ ااحاول ابص جوايا , ابص جوا قشرة المظاهر اللى بتخفى الانسان جواها
ابص جوا غلاف المظهر والبريستيج
اتأكد ان جوايا جزء - حتى لو صغير - من اللى بحاول انى اكونه
بتأكد انى مش وحش بالصورة اللى كنت فاكرها
بتأكد ان بحاول اكون الشخص الكويس اللى بتظاهر انى هوة
0 comments:
Post a Comment