الوقوف وحيدا
بتمر ايام على الواحد لما يبص حواليه مابيلاقيش حد , خصوصا لو بيمر بايام صعبة و يفاجىء ان محدش واخد باله انه لوحده ,محدش واخد باله ان فيه شخص واقف لوحده المفترض ان نكون حواليه
احنا فى فترة اعياد و المفترض فى العيد اننا بنسأل على بعض و نشوف حد محتاج حاجة او فيه ظروف بيمر بيها
ياترى احساسك ايه لما بتلاقى عاصفة ( مشكلة ) جاية عليك و انت محتاج مساعدة ومش لاقيها ياترى ممكن تطلب المساعدة ؟؟؟
ياترى احساسك ايه لما بتلاقى عاصفة ( مشكلة ) جاية عليك و انت محتاج مساعدة ومش لاقيها ياترى ممكن تطلب المساعدة ؟؟؟
طب فرضا انك مش عارف تطلبها مش تكبر او غرور بس انك من النوع اللى مابتعرفش تشتكى او تطلب من حد يساعدك وضعك هايكون ايه؟؟؟
تخيل معايا كده نفسك فى موقف من المواقف دى - اكيد مرت عليك كتير قبل كده مواقف زيها او العن منها , بس افتكر وشوف نفسك ساعتها
تخيل نفسك فى خناقة و اصحابك مدينك ضهرهم ومش واخدجين بالهم تخيل انك بتغرق ورا ضهور الناس ومش عارف تستغيث و محدش باصص ناحيتك تخيل ..... تخيل
عواصف كتير بتعدى على الواحد , ممكن يكونوا ورا بعض و ممكن يكونو بعاد
نخيل بقى معايا مش انت اللى فى مشكلة , و لكن واحد صاحبك , مش لازم انتيمك او صاحبك قوى تخيل كده بتبص فجأة لقيته فى مشكلة عارف احساسه دلوقتى ؟؟ عارف هوة نفسه فى ايه ؟؟ عارف ....ولا ايه
عواصف كتير بتعدى على الواحد , ممكن يكونوا ورا بعض و ممكن يكونو بعاد
نخيل بقى معايا مش انت اللى فى مشكلة , و لكن واحد صاحبك , مش لازم انتيمك او صاحبك قوى تخيل كده بتبص فجأة لقيته فى مشكلة عارف احساسه دلوقتى ؟؟ عارف هوة نفسه فى ايه ؟؟ عارف ....ولا ايه
ياريت نبص حوالينا , مش لازم على طول قدامنا , نبص على اصحابنا اكيد فى حد محتاج حاجى واحنا مش واخدين بالنا
مش لازم تكون المساعدة منك , بس كفاية يحس انك عاوز تساعده
كفاية يحس انك موجود ومش مديله ضهرك مانستناش العاصفة لما تاخد كل حاجة مانستناش لما الحاجة تضيع و تسيب شروخ فى الصداقة و المعرفة بص حواليك وشوف واسال
ياترى لسة وقت
ولا خلاص عصفت العاصفة
؟؟؟؟؟؟؟؟؟؟؟؟
2 comments:
يااااااااااه يا انسان فتحت الشباك الاصعب الوحدة احنا في زمن كل واحد مشغول بنفسه احيانا مش بتكون عن قصد الدنيا بتمشي بسرعه ومحديش بيبص لا قدامه ولا وراه ولا جنبه ..عايزا اقولك ان بجد الانسان بقى ينسى اهله واصحابه وكل الناس الي حوليه
January 06, 2007 5:43 PMانا وحده من الناس عشت لوحدي فترة طويلة وانا من النوع الي مش بحب اشكي بحب احتفظ بمشاكلي واحلها بنفسي..بس مقدرش اقول غير اني في لحظات كتيرة كنت اتمنى اني الاقي حد جنبي رغم اني انا الي كنت ببعد الناس عن مشاكلي بس كنت اتمنى الاقي حد واقف جنبي من غير ما اطلب ..بجد الموضوع مهم قوي وبجد لازم مننساش الي بنحبهم بجد جميل قوي ولمسني قوي وحاسه فيه جدا
تحياتي
ويا رب دايما يكون حوليك الي بتحبهم دايما
الموضوع كبير , وصعب على ناس كتير , انا واحد من الناس برضه ببعد اصحابى عن مشاكلى بس فيه ناس تانية بتحتاج مساعدة بس ماتعرفش ازاى تطلبها
January 07, 2007 7:24 PMشكرا رشا و يارب تلاقى كل اصحابك حواليكى
Post a Comment