عروس الماريونيت
متعلق فى خيوط سودا على خلفية سودا
بتحرك والناس بتتضحك , دى مش حركاتى ولا تصرفاتى
انا مجرد دمية خشبية , مربوطة ,
لا اقدر افتح الستارة ولا اقدر اقول لأ
مأقدرش اعمل حركة واحدة , من غير اللى مستخبى ورا الستارة يكون عاوز
-
تصرفات كتيرة بتحس ان اللى قدامك بيعملها لمجرد انه يبسطك او يريحك
او ساعات علشان يشترى دماغه
تصرفات كتيرة بتحس انها متكلفة , ولزوم المظهر العام و الشكل الاجتماعى
الدمية بتتحرك , وماانتاش شايف اللى بيحركها
الناس برضه دمى بتتحرك على المسرح
المثل بيقول , مالدنيا الا مسرح كبير
وانا بزود انه مسرح ماريونيت
الناس بتتحرك , وماانتاش عارف اذا كانو بيتحركو من دماغهم ولا حد بيحركهم
الظروف والعلاقات الانسانية والناس اللى حوالينا هما دول الخيوط اللى بيحركونا
هما دول اللى بيتحكمو فى حركاتنا
وكل مالدايرة المحيطة بالشخص وسعت , حركته بتقل
لانه عاد محكوم بظروف اكتر و ناس بتحرك اكتر
وقل مالشخص كانت علاقاته قليلة , بيعمل اللى على مزاجه ومابيهموش حد
لاحظها فى المشاهير , سواء من الفنانين او رجال الاعمال
هتلاقى عمره مابيكون على طبيعته , على طول الابتسامة على وشه
على طول بيحيى الناس , صحيح بتكون ابتسامه مرسومة و متكلفة
بس ضرورية بالنسبة له , لانه مش متحكم فى تصرفاته
ولازم يرضى كل اللى شايفينه
لو كل واحد نور المسرح بتاعه
ياترى هايشوف اللى بيحركوه
متعلق فى خيوط سودا على خلفية سودا
بتحرك والناس بتتضحك , دى مش حركاتى ولا تصرفاتى
انا مجرد دمية خشبية , مربوطة ,
لا اقدر افتح الستارة ولا اقدر اقول لأ
مأقدرش اعمل حركة واحدة , من غير اللى مستخبى ورا الستارة يكون عاوز
-
تصرفات كتيرة بتحس ان اللى قدامك بيعملها لمجرد انه يبسطك او يريحك
او ساعات علشان يشترى دماغه
تصرفات كتيرة بتحس انها متكلفة , ولزوم المظهر العام و الشكل الاجتماعى
الدمية بتتحرك , وماانتاش شايف اللى بيحركها
الناس برضه دمى بتتحرك على المسرح
المثل بيقول , مالدنيا الا مسرح كبير
وانا بزود انه مسرح ماريونيت
الناس بتتحرك , وماانتاش عارف اذا كانو بيتحركو من دماغهم ولا حد بيحركهم
الظروف والعلاقات الانسانية والناس اللى حوالينا هما دول الخيوط اللى بيحركونا
هما دول اللى بيتحكمو فى حركاتنا
وكل مالدايرة المحيطة بالشخص وسعت , حركته بتقل
لانه عاد محكوم بظروف اكتر و ناس بتحرك اكتر
وقل مالشخص كانت علاقاته قليلة , بيعمل اللى على مزاجه ومابيهموش حد
لاحظها فى المشاهير , سواء من الفنانين او رجال الاعمال
هتلاقى عمره مابيكون على طبيعته , على طول الابتسامة على وشه
على طول بيحيى الناس , صحيح بتكون ابتسامه مرسومة و متكلفة
بس ضرورية بالنسبة له , لانه مش متحكم فى تصرفاته
ولازم يرضى كل اللى شايفينه
لو كل واحد نور المسرح بتاعه
ياترى هايشوف اللى بيحركوه
4 comments:
ماهو لو شافهم او لو وصل للمعرفة الكاملة
March 02, 2007 8:59 PMيبقى مات يا معلم
احنا عايشين طول ما احنا موصلناش للمعرفة الكاملة
ولو وصلنالها
نعيش ليه بقى
الحياة يكون معناها ايه بقى
الدنيا مسرح ماريونيت فعلا
بس مش لازم العرايس يعرفوا انهم فعلا مجرد عرايس ماريونيت
خاليهم فاكرين انهم هما اللى بيتحركوا بدماغهم
اريح
مش كده؟؟؟
هوة فعلا اريح للى عاوز يريح دماغه , بس فيه ناس غاوية تعب و بهدلة , ومابتستريحش الا لما تعرف بس زى ماانتى قلتى لما بتعرف يااما بيدورو على حاجة تانية يعرفوها يااما يموتو :)
March 03, 2007 12:27 AMلازم يكون في اششياء بتحرك الواحد
March 03, 2007 3:45 PMوكل واحد بيتحرك حسب معتقداته الفكرية
لان افكارنا وتربيتنا ومعتقداتنا واتجهاتنا
هي دي خيوط الماريونيت اللي بتحركنا
في ناس بتحركها خطوط حديدية
وناس
خطوط حريرية
وناس حبال
وكل حسب التوجهات والتربية
اشكرك على البوست الجميل ده
أُكتب بالرصاص
March 05, 2007 1:19 AMانا متفق معاك ان كل واحد لازم فيه الخيوط اللى بتحركه ,سواء كانت العادات والتقاليد او التربية او الاخلاق او المحيط الاجتماعى
بس اللى بهتم بيه ان الواحد يشوف الخيوط دى , علشان لو مهعترئة وبتتقطع يحاول يغيرها بخيوط احسن
علشان مايقعش على المسرح
Post a Comment