النهاردة اول يوم انزل الجامعة من فترة , وهوة برضه انزل بعد تقتيل الدستور طبعا الملاحظة المعتادة هوة كم عربيات الامن المركزى اللى مطوقة كل بوابات الجامعة ,
وكم الامن اللى على البوابات و كله شادد حيله لكن الجديد اللى لاحظته فى الجامعة كلها - وتعمدت انى اروح كذا كلية علشان اشوف الوضع -ان مفيش شلة او مجموعة واقفة
الا واقف جمبها واحد من عصافير الامن - الطلبة المخبرين من الاخر- وطبعا مفهوم ليه يقفو جمب مجموعات الاخوان , لكن درجة الخوف وانه لازم يسلمو الاخبار وصلت انه حتى لو مجموعة شباب من اللى مش فى دماغهم واقفين بيهيسو او اى حاجة برضه جمبهم واحد من المخبرين دول ماليين الجامعة وراميين ودانهم مع اى واحد بيتكلم عاوزين يعرفو الطلبة بتقول ايه , ولا فيه مظاهرة ولا اى حاجة
واضح ان حرامية الجامعة - حرس سابقا- عندهم اوامر انهم يشدو حيلهم ويصحصحو اليومين دول ومع ان النهاردة اخر الاسبوع و معظم الطلبة مابتجيش او مسافرة لكن برضه الحذر واجب
واضح ان حرامية الجامعة - حرس سابقا- عندهم اوامر انهم يشدو حيلهم ويصحصحو اليومين دول ومع ان النهاردة اخر الاسبوع و معظم الطلبة مابتجيش او مسافرة لكن برضه الحذر واجب
ماهو اللى بيسرق بيفضل خايف لغاية مايهرب بالسريقة بتاعته
3 comments:
عمري ما اخدت بقالي من الكلام ده
March 23, 2007 8:32 PMمعتقدش ابدا انه منتشر في كليتي العزيزة
الحرس كفاية عليهم و زيادة
صحيح
March 23, 2007 9:42 PMممكن بعد اذنك يعني
انا استلفت صورة
ارفض التعديلات الدستورية
لو مضايق او فيها اي نوع من التعدي يعني
اشيلها علي طول
تحياتي
هوة مفيش كلية مافيهاش مرشدين للامن , بس مابيكونوش واضحين , يعنى فى اليام العاجية تلاقيهم عادى مابيعملوش حاجة , لكن اول مايحصل حاجة و يبقى فيه احتمال مظاهرات او تجمعات تلقيهم بينتشرو وسط طلاب الاخوان علشان يشوفو لو ناويين يعملو مظاهرة فجاة من غير تصريح امن , ده طبعا غير انهم بيبقى يشوفو الطلبة بيتكلمو فى ايه ويبلغو بيه
March 23, 2007 10:27 PMبالنسبة للصورة , انا مش مضايق طبعا انا نفسى كلنا نحطها ونقدر نعبر باكتر من اننا نكتبها , بس
مش انا اللى عملت فكرتها , انا واخدها من مدونة عياش
http://al-ghareeb.blogspot.com/
هوة اللى عمل مجموعة بانرات علشان تتحط فلو حد تستأذنى منه هيبقى هوة مش انا
Post a Comment