انا بحب المطر جدا , وبحسد الاطفال لما يكون فيه مطر خفيف و هما بيلعبو تحته
بحب اتمشى تحت المطر بس لما يكون خفيف مش مطر جامد , لكن مطر فى شهر مايو ده جديد النهاردة لما مطرت كنت مبسوط قوى ,
كان مطر خفيف ومنعش , فضلت واقف فى الشارع تحت المطر ,
كنت مبسوط , محستش بكده من زمان ,
ولما روحت مطرت تانى بالليل فضلت واقف فى البلكونة
و الهوا بيجيب المطر على وشى , بس ولاكنت هنا ,
كنت سرحان فى المطر وعلى طول بفتكر اغنية شتا بتاعة محمد منير وبقعد اغنيها مع نفسى
حط الدبله وحط الساعه ....حط سجايره والولاعه
علق حلمه علي الشماعه
شد لحاف الشتا علي جسمه ...دحرج حلمه وهمه واسمه داري عيون عايزين يبتسمو
اللي قضي العمر هزار ...واللي قضي العمر بجد
شد لحاف الشتا م البرد
8 comments:
refreshing
May 12, 2007 12:11 PMisn't it?!
:)
أيوة! خطير، صح؟
May 12, 2007 1:25 PMلكنها ما مطرتش في كل حتة في البلد.
دا من علامات التغير المناخي يا عزيزي :)
لو تمطر عندنا كل أسبوع مرة حالنا هيتغير.
ساعات بافكر أنه إن كان التغير المناخي هيطرّي الموضوع علينا ضوية فقشطة. أصلا التغير المناخي دا مشكلة لأننا متعودين على حاجة معينة، مش أكثر. لكن الأرض ككل و الحياة عموما هتلاقيلها مخرج. احنا بس ال هنتفشخ
epitaph
May 13, 2007 1:50 AMsure it's refreshing :) .
بس برضه , الموضوع مش انها بتعش وبس , هية حالة نفسية , بتحس من عالمطر بالصاء و راحة البال , مش عارف ليه
بتحس مع المطر بالخير , والحرية , , برضه مش عارف ليه
ألف
ياريت التغير المناخى يبقى كده يا سيدى , مااحنا بنتشوى فى حر الصيف :)
الارض و الطبيعة عموما مش هاتفرق معاها تغير مناخر ولا لا , الرض عدت بتغيرات مناخية كتير قبل كده , اللى هيحصل انها هتتكيف
لكن زى ماانت قلت , احنا هنتفشخ
Madeleine, a girl of 4 years was abducted in the Village of the Light, the Algarve, in Portugal, goes all to place fhoto of it in ours blogues has of finding
May 15, 2007 12:52 AMبس التغير المناخى ده حلو
May 20, 2007 5:52 PMعايزين منده كل يوم
dananeer
May 21, 2007 2:29 AMهوة ده حلو , ب سالتغيير المناخى هيشوينا فى الصيف
يجد انا كمان بحب الاعنيه دي بتاعه منير بس بحس ان ناس كتير مش عارفاها
June 07, 2007 7:09 PMالحقيقة انت وصفت احساس جميل كتير قوي بيحسوا بيه
June 29, 2007 2:46 PMوبتبقى لحظات حلوة جداً
وجميل إن انت عملت اللي في نفسك ووقفت تحت المطر الخفيف ده ووصلت لإحساس كنت محتاجه جداً وما فوتش الفرصة
وبخصوص موضوع الاذاعة مفيش حاجه بعيده لو واخد الموضوع جد وشايف ان عند مقومات المعد ربنا يوفقك
سعدت بمروري على مدونتك
أتمنى تشريفك لي في مدونتي
هاتنور بزيارتك ليها
دعوة لزيارة مدونة شاعر تستحق الزيارة
http://mosaiiic.blogspot.com/
Post a Comment