رمضانيات
![](https://blogger.googleusercontent.com/img/b/R29vZ2xl/AVvXsEid2CuN9bquvFzqW8ItEmAscdlQRoUnkqEhYjifzhfhY7V-lKf9lsEU8AUERKukI0gEjR3QiTSDCtbdvfa3JJSm6czrGU1j_1pLxecoGRkKVYRNUAVT4dkqyQcnYDKnilxUwANbDg/s320/ramadan1.jpg)
كل سنة وانتم طيبين , بقينا 10 رمضان
يااااااااااااه , 10 ايام عدو , الايام بتعدى ياولاد – وصيتك اخواتك يا عباس اوعى تاكل الميراث
![](https://blogger.googleusercontent.com/img/b/R29vZ2xl/AVvXsEid2CuN9bquvFzqW8ItEmAscdlQRoUnkqEhYjifzhfhY7V-lKf9lsEU8AUERKukI0gEjR3QiTSDCtbdvfa3JJSm6czrGU1j_1pLxecoGRkKVYRNUAVT4dkqyQcnYDKnilxUwANbDg/s320/ramadan1.jpg)
كل سنة وانتم طيبين , بقينا 10 رمضان
يااااااااااااه , 10 ايام عدو , الايام بتعدى ياولاد – وصيتك اخواتك يا عباس اوعى تاكل الميراث
عدى تلت الشهر , ياترى استفدنا بيه , اللى لحق الحمد لله , واللى ملحقش لسة تلتين يلا شد حيلكم
---------------------------------------
فين بكااااااااااااااار , ماليش دعوة انا عاوز بكار , اول رمضان من زمان يعدى من غير ما يكون فيه بكار
مش مسالة انى اتفرج عليه , لكن علشان اتخانء على الفطار اننا نقلب مش عاوزين نتفرج على بكار وهما يقولو لأ عاوزين بكار , وطبعا استجيب لرأيهم و اقولهم , انا جبتلكم ابو كف رقيق وصغير :)
زمان كان فيه بوجى وطمطم , سلاحف النينجا , مغامرو القوة :)
كله رااااااااااااااااااح
--------------------------------------
الصيام فى الحر بجد ربنا يعينا عليه , امال هنعمل ايه لما كمان سنتين رمضان هيجى فى اغسطس , يوليو , ربنا يستر
--------------------------------------
التراويح , ربنا يتقبلها مننا , بس المفروض ان اسمها تراويح , من الراحة , يعنى مش عيال بيلعبو وبيجرو اللى بيرمو عليك حاجات من الدور التانى , وطبعا السيدات ولا هما هنا
ومهما نقول او ننبه برضه كل واحدة جايبة عيالها يلعبو فرصة بدل مايكسرو البيت
وطبعا العيال مابتصدق وتديها جرى و يكبو المية على الناس
كل كوم واللى معاها اطفال رضع جايباهم دى كوم والله كان فيه سيدة معاها طفل عنده 3 شهور , وسايباه على الارض وبتصلى وهوة عمال يصرخ
يعنى دى علشان تصلى شتت انتباه كام واحد , اكيد مش اقل من 50 واحد , على اعتبار انى الستات اصلا العيال مضيعين تركيزهم فى الصلاة
ربنا يتقبل , ويهدى اللى معاها عيال تقعد بيهم فى البيت
-------------------------------------------------
المسلسلات , يعنى انا اعمل ايه ولا اتفرج على ايه
كالعادة قولت يا واد طنش خالص , خصوصا انك بتتنيل على عينك وبتمتحن , يعنى مش عاوزين حسد من حد انك مخلص مذاكرة وقاعد تتفرج كمان ومتابع المسلسلات
وصلت لحل , انا هااعمل داونلوود لكام مسلسل علشان ابقى اتفرج عليهم بمزاج , وطبعا واخد ترشيحات من حضراتكم ومن اصحابى , لكن فى البيت مابثقش فى ترشيحاتهم لانهم اصلا مش متابعين غير مسلسلين
وطبعا من اوائل الحاجات اللى بتفرج عليها فى الخباثة تامر وشوقية , وراجل وست ستات , ايه تفاهة , اه ماانا عاوز اضحك شوية , فرصة حلقات صغيرة
--------------------------------------------
وطبعا نرحب بعودة سيدة المشاكل هالة خنقان , قصدى سرحان :) , وربنا يوعدنا بحاجة من الفلوس اللى بتترمى كل حلقةدى , انا بسمع بس ماشوفتش حاجة (
وكل سنة وانتو طيبيييييييييييييييييييييييييييييين
فاصل ونواصل
1 comments:
http://www.who-is-wael-abbas.blogspot.com/
September 27, 2007 1:49 AMاعرف حقيقة وائل عباس ده لو كنت بتفكر
وتعال وشارك معانا وقوا رايك في وائل عباس
Post a Comment