نتكلم تانى
لما موضوع وسط البلد اتفتح , ناس اتكلمت عن اللى شافته , وناس اتكلمت عن اللى بتشوفه
وناس قالت رايها مابين ان ده عادى , او ان ده مبالغ فيه
لما موضوع وسط البلد اتفتح , ناس اتكلمت عن اللى شافته , وناس اتكلمت عن اللى بتشوفه
وناس قالت رايها مابين ان ده عادى , او ان ده مبالغ فيه
ولما الجرايد و المواقع تنقل الموضوع من المدونات لصفحات تانية
و اماكن تانية بصورة تخلى ان المناقشة كانت محصورة فى همجية الشباب
و توحش المنطقة و قصور الامن , ده غير ان الموضوع تحول الى هجوم على الخليجين فى مصر باعتبار ان الفتاتين اللى كانو مرتدين عباءات خليجية هما خليجيات - ماهو نص المصريات اللى مجودين فى اجازات من شغلهم فى الخليج بيلبسو عبايات خليجى ,و اللى رمى المسئوليى على البنات و انهم بيلبسو ملابس غير لائقة – مع الاخذ فى الاعتبار ان المحجبات بيتعاكسو برضه و ممكن يكون بنسبة اكبر- و عمر الموضوع ماكان لبس علشان نحكم بدليل فترة الستينات والسبعينات فى مصر بلاش اقول اوروبا او امريكا لتقولولى دول كفرة مالهومش دين
النقاش تحول من المشكلة لهجوم بين معسكرين , معسكر الدفاع عن الدين انه ده بسبب الدولة العلمانية و معسكر مضاد يدافع ان هذا من نتاج الانغلاق و احكم الدين فى الدولة
والمعسكرين بيناقضو بعض و الكلام و احد بيقولك ده سببه الكبيت و حرمان الشباب و واحد بيقولك لا ده سبب العرى والكليبات
احد التعليقات اللى قريتها ماكانتش مهتمة بالموضوع الا فى العنوان و باقى الموضوع شرح ان الحجاب ليس فرض - بعنى الحجاب هوة اللى عمل كده
التعليق الثانى الذى شد نظرى
فى اجازة العيد من يذهب الى التنزة فى شوارع وسط البلد هم الرعاع والعامة والغوغاء من سكان الحوارى والعشؤئيات سواء كانوا شباب او بنات فالاثنين من حثالة المجتمع والعيد بالنسبة لهم ان يخرجوا من اماكنهم المنحطة والتنزة وسط البلد ... نوعية الشباب المتحرش هم من طبقة الميكانيكى والسباك والنجار وهولاء تحرشوا ببنات من نفس طبقتهم الواطية .. الاثنين عالم زبالة سواء الشباب او البنات
وصاحب الرأى ده مش عارف اقول ايه , مش عارف جاب رأيه ده منين
طب سيبنا من الكلام ده
طب ليه مانتكلمش عن الموضوع كمشكلة
اولا كان فيه مشكلة قلة عدد افراد الامن , بيقولك ان العيد فى كل الاماكن و من الصعب انه ينشر افراد امن فى كل مكان , طب احنا بنتكلم عن وسط البلد , و زى ماالناس قالت الكلام ده بيتكرر كل سنة , يعنى ماكنش ينفع توقف بوكس او بوكسين من اللى كانو مرصصين مع عربيات الامن المركزى قادام كل الجامعات و الكليات اليومين اللى فاتو علشاان اتحاد الطلبة , ولا حتى لو كان عسكرى واحد فك الهايش بتاعه وضرب فىالهوا ماكانش هيهدى الناس و لا بس فى المظاهرات بتنضرب بالشوم و يطلع القنابل و الرصاص المطاطى و فى الحالة دى مفيش
ثانيا : الشباب , وده فى اعتقادى هوة المشكلة الاكبر بغض النظر عن السبب ( وده كتير و الحمد لله ) سواء كانت بسبب الفقر اوالبطالة اوتأخر سن الزواج او حتى بسبب هيفاء وهبى واخواتها و و ميلودى و اخواتها , بس الاكيد انه بقى عند الشباب ثقافة عنف موجهة ناحية الهدم مش ناحية الاصلاح
وبقى فيه حالة من اللامبالاة وعدم احترام الآخر , و مش عارف اقول ايه , حالة من تبلد المشاعر
نقول ايه السبب , , ممكن كل الكلام اللى اتقال ده صح , ممكن مايكونش فيه حاجة وانها كانت زحمة حوالين الممثلين و ان التذاكر خلصت , بس ايه اللى خلى الموضوع يقلب فجأة من فسحة عيد لحلات تهجم – و طالما اكتر من واحد اتفق انه كان فيه حالات تهجم يبقى اكيد كاان فيه , مش هنستهبل ونقول مفيش
والحاجات دى بتحصل كل يوم وفى كل حتة فى مصر , ممكن مش بالحجم ده , بس سكوتنا على الصغير مايخليناش نستغرب لما نشوف الكبير
نرجع ونقول ان المشكلة مش فى اللى حصل , المشكلة انه هايحصل تانى وتالت , المشكلة ان محدش بيتعلم
ياريت نسمع كلام بجد , مش من عينة واحد قريت رأيه بيقول فيه " وده اثبات ان الحجاب مش حل "
مين اللى قال المشكلة فى الحجاب او اللبس
المشكلة فى حجاب الروح مش حجاب الرأس , ياريت نتعلم , عمر ماكان اى دين بيقول كده
كل الاديان بتركز على ان التربية والاخلاق هما الطريق الاول للنجاة
ارجع واكررها , التربية , و الاخلاق
رسائل قصيرة
اصحاب المحلات : مااقدرش اقول غير شكرا
وسائل الاعلام : عرفنا اللى حصل , وبعدين
الهمج : اتفوووووووووووووووووووووووه
اولا كان فيه مشكلة قلة عدد افراد الامن , بيقولك ان العيد فى كل الاماكن و من الصعب انه ينشر افراد امن فى كل مكان , طب احنا بنتكلم عن وسط البلد , و زى ماالناس قالت الكلام ده بيتكرر كل سنة , يعنى ماكنش ينفع توقف بوكس او بوكسين من اللى كانو مرصصين مع عربيات الامن المركزى قادام كل الجامعات و الكليات اليومين اللى فاتو علشاان اتحاد الطلبة , ولا حتى لو كان عسكرى واحد فك الهايش بتاعه وضرب فىالهوا ماكانش هيهدى الناس و لا بس فى المظاهرات بتنضرب بالشوم و يطلع القنابل و الرصاص المطاطى و فى الحالة دى مفيش
ثانيا : الشباب , وده فى اعتقادى هوة المشكلة الاكبر بغض النظر عن السبب ( وده كتير و الحمد لله ) سواء كانت بسبب الفقر اوالبطالة اوتأخر سن الزواج او حتى بسبب هيفاء وهبى واخواتها و و ميلودى و اخواتها , بس الاكيد انه بقى عند الشباب ثقافة عنف موجهة ناحية الهدم مش ناحية الاصلاح
وبقى فيه حالة من اللامبالاة وعدم احترام الآخر , و مش عارف اقول ايه , حالة من تبلد المشاعر
نقول ايه السبب , , ممكن كل الكلام اللى اتقال ده صح , ممكن مايكونش فيه حاجة وانها كانت زحمة حوالين الممثلين و ان التذاكر خلصت , بس ايه اللى خلى الموضوع يقلب فجأة من فسحة عيد لحلات تهجم – و طالما اكتر من واحد اتفق انه كان فيه حالات تهجم يبقى اكيد كاان فيه , مش هنستهبل ونقول مفيش
والحاجات دى بتحصل كل يوم وفى كل حتة فى مصر , ممكن مش بالحجم ده , بس سكوتنا على الصغير مايخليناش نستغرب لما نشوف الكبير
نرجع ونقول ان المشكلة مش فى اللى حصل , المشكلة انه هايحصل تانى وتالت , المشكلة ان محدش بيتعلم
ياريت نسمع كلام بجد , مش من عينة واحد قريت رأيه بيقول فيه " وده اثبات ان الحجاب مش حل "
مين اللى قال المشكلة فى الحجاب او اللبس
المشكلة فى حجاب الروح مش حجاب الرأس , ياريت نتعلم , عمر ماكان اى دين بيقول كده
كل الاديان بتركز على ان التربية والاخلاق هما الطريق الاول للنجاة
ارجع واكررها , التربية , و الاخلاق
رسائل قصيرة
اصحاب المحلات : مااقدرش اقول غير شكرا
وسائل الاعلام : عرفنا اللى حصل , وبعدين
الهمج : اتفوووووووووووووووووووووووه
