Artificial Intelligence
الذكاء الصناعى اخراج ستيفن سبيلبيرج
قليل قوى لما تلاقى واحد بيدخل فيلم او يتفرج عليه علشان اسم المخرج بتاعة مش اسماء ابطاله
س.سبيلبيرج من المخرجين اللى افلامه كلها بتحقق ايرادات سواء كان الفيلم يستاهل ولا مايستاهلش
الفيلم انتاج سنة 2001 , يعنى عدى عليه حوالى 5 سنين بس كل مرةاشوفه يعجبنى اكتر – بالرغم من ان كل مرة بشوفه بكتشف غلطات فى الفيلم لكن برضه بيعجبنى اكتر
الفيلم بيجكى عن ديفيد الطفل اللى عنده 11 سنة
لكن هوة مش حقيقيى
فى المستقبل الانسان هيقدر يصنع روبوت مماثل للبشر بيحب و يكره , يتألم
ديفيد هايكون اول روبوت عنده مشاعر حقيقية خصوصا حبه الشديد لأمه
سبيلبيرج هياخدك طول الفيلم و هيوصلك لمرحلة انك تتعاطف مع الروبوت ضد البشر
العائلة اللى بتتبنى-تشترى - ديفيد كبديل عن ابنهم الحقيقى اللى فى غيبوبة نتيجة مرض مش معروف بعد شوية بتهجره علشان بيعمل مشاكل مع ابنها الحقيقى اللى بيرجع البيت بعد اكتشاف علاج لمرضه
حياة ديفيد بتتغير 180 درجة بعد رجوع الابن وبيحاول يجور على طريقة يرجع بيها لعيلته
فى روؤية مستقبليلة لقصة بنوكيو
ديفيد الطفل المصنوع بيشعر باحباط و بيقوم برحلة طويلة بيدور على الجنية اللى هتقدر تحوله لولد حقيقى علشان يرجه للعيلة اللى حبها
اكتر مشهد اثر فيا بجد لما بيلاقى تمثال الجنية بس بيكون غرقان تحت المحيط بيقعد قدامها ويدعى
ويعدى 3000 سنة وهوة بيدعى
سبيلبيرج وصل بالاخراج انه فعلا خلاك قاعد متعاطف مع الروبوت ضد البشر , متعاطف مع الولد ديفيد ضد الولد الحقيقى اللى بيعمل مقالب فيه علشان ينطرد من البيت
كرهت الأم اللى مشت ديفيد من البيت
انا مش عاوز احرف الفبلم على اللى ماشافوش – بس انا تقريبا كده حرقته كفايه
مااقدرش اقول حاجة عن الفيلم غير شوفوه , اناشفته بتاع 20 مرة لغاية دلوقتى
About Me
- Ensan
- I am ordinary man " Independent, Adventurous, , Funny, Aggressive, Calm, Passionate...", love the people,Like to be with Friends, Love to be alone, love the fun but If there is work i do the best in my work, have nothing special except being Human, i love reading , see the world around me ,
- arab (1)
- Cinema (3)
- Conflict Management (3)
- Country (5)
- Definitions (1)
- egypt (3)
- free (1)
- hallucination (10)
- internet (1)
- life skills (5)
- marionette (1)
- memories (2)
- Personal Skills (4)
- politics (5)
- press (1)
- quotes (3)
- ramadan (7)
- songs (3)
- world (1)
- اذاعة (1)
- المولد (1)
- انترنت (2)
- بشر (9)
- تصرفات (3)
- تكنولوجيا (5)
- سلوك (3)
- فاجومى (1)
- مأمون المليجى (1)
- ماريونيت (1)
بيحب امه بجد بيحب الناس بيحب الحياة , مشاعره حقيقية
وقت سعيد
Subscribe to:
Post Comments (Atom)
9 comments:
I like your review of the movie masha Allah!
October 16, 2006 1:05 AMو متخفش محرقتش الفيم اوي
بس هنا فكرتني- مع اختلاف القصة و الفيلم طبعا- بقدرة سبيلبرج المهولة في الاخراج انه يخلق هذا التعاطف ما بين المشاهد و كائناته السينمائية..و ده اشارة الي فيلمه ميونيخ..و بطله الصهيوني اللي سبيلبرج عمل جاهدا انه يجعل بطله يصعب علي مشاهده العربي و الاجنبي
و ايضا ها هنا مع روبوت
في ميونيخ..كان برده بطله القاتل روبوت.. بيقتل بطريقة الية كل اللي ع الليستة و بتستمر طريقته الالية في القتل لكل من قد يحطم عمله الدموي.. فبتدمر حياته الانسانية..و يكون قاتل روبوت
في فيلم Artificial Intelligence
سبيلبرج بيحول الروبوت الي انسان ذي مشاعر
و في ميونيخ
بيحول الانسان الي روبوت
ايه اللي سبيلبرج بيعمله بالظبط
that's the question!!
معلهش طولت عليك
:)) تحياتي
ابيتاف
October 16, 2006 5:07 PMدايما منورة بتعليقاتك , واسمحيلى ابدأ من النهاية انك ماطولتيش ولا
حاجة بالعكس محتاجين كلام اكتر
ايه اللي سبيلبرج بيعمله بالظبط؟
اعتقد السؤال ده محير طتيرين بما فيهم سبيلبيرج نفسه الراجل ببساطة بيعمل اللى هوة عاوزه , هوة عارف ان رصيده عند الجمهور بيسمحله يعمل اى حاجة , ان الجمهور هيتقبل منه اى حاجة - فيلم حرب العوالم مثلا - يعنى لو سبيلبيرج عمل فيلم بيتريأ فيه على الجمهور الناس برضه هاتتفرج عليه والفيلم هاينجح
بالنسبة للتعاطف , ارجعك معايا لفيلم اعتقد انك شفتيه
ET
لو تفتكريه معايا الفيلم ده كان ضد الموجة ان الكائنات الفضاية شرية و مفترية ولازم نكرهها , لأ ده سبيلبيرج عمل فيلم انك ازاى تساعدى الكائن الفضائى الضعيف اللى كل همه انه يروح كوكبه او بيته , ولدرجة ان فى الفترة دى - الفيلم انتاج 1982 - كانت اللعبة المفضلة فى امريكا دمية اى تى
سبيلبيرج بيعاند التيار , لو التيار الناش تكره الكائن الفضائى يقوم قايل لأ ده كائن ضعيف ومحتاج مساعدة
لو التياؤ نكره الروبوت , يقولك ده بيحب وبيشعر احسن من البنى ادمين
معلش انا اللى طولت عليكى
وكل سنة وانتى طيبة العيد قرب
أنا كمان اتأثر بالفيلم دا
October 18, 2006 4:32 AMبالنسبة للفيلم فهو عبقري وستيفن طبعا بدون شك
October 21, 2006 8:27 AMبس اكتر حاجة كانت جامدة فعلا الولد اللي مثل الفيلم
فينك ازيك
October 24, 2006 8:47 AMكل سنه وانت طيــــــب
عيـــــــد سعــــيد
احييك اولا.. انا كمان عجبنى الفيلم وشفته كتير وبتعجبنى افلام سبيلبرج رغم انه يهودى متعصب جدا وقدر يستغل السينما كآداه وصناعة فى الترويج لأفكار تتواءم مع عقيدته تحديداقائمة شندلر واللى خاى العالم كله يتعاطف مع اليهود، ورغم هذا لا انكر انه واحد من ابرز نجوم الاخراج فى تاريخ السينما عموما وليس الامريكية فقط، لانه فاهم ان السينما لغة بصرية فى الاساس، افكاره متجدده دائما ومبهره ايضا، ورغم اتفاقنا او اختلافنا حولها الا اننا منقدرش ننكر انه فنان متميز ومتمكن من ادواته جداااا
October 26, 2006 11:18 AMمرة تانيه بحييك مش بس على اختيارك للفيلم ولكن على طريقة سردك اللى تخلى اى حد ماشافش الفيلم كإنه شافه بالضبط وحس بيه...
سعيدة بزيارتك وبالتعرف عليك
تحياتى
اولا اسف على التاخير
October 27, 2006 2:25 PMLAMIA MAHMOUD
Haley Joel Osment ده اسه و هوة فعلا موهوب و هيبقى له مستقبل كبير
moorgen
وانتى بالصحة والسلامة , معلش كنت مشغول قوى اخر رمضان مكنتش بدخل نت
بعدك على بالى
على الرغم من اننا عارفيين انه يهودى ومتعصب لكن بنحب افلامه واخراجة , ده بيوريك قد ايه هوة متمكن من ادواته
وانااسعد بزيارتك و انا متابع مدونتك من فترة بس مش بسيب تعليق
انا بحب الفيلم ده جدا بالرغم انى كل مره اشوفه من نصه لكن اللى فعلا بيميز الفيلم هو المعنى اللى بيوصلنى منه او السؤال اللى بيقدمه اللى هو
November 09, 2006 1:10 AMيعنى ايه انسانيه و ازاى ميكنش انسان اللى بيملك كل مشاعر الحب دى
، الروبوت كان اكثر انسانيه من الأم اللى مفترض تكون رمز كل الحب و الحنان
يعنى ايه انسان منغير دفء المشاعر اللى جواه ، انسان منغير مشاعر اله _روبوت- و واله بمشاعر اكيد انسان
ايه اللي سبيلبرج بيعمله بالظبط
November 09, 2006 11:26 PMthat's the question!!
This reminded me of when Richard Dryfuss, from "close encounters of the third kind", was the guest in "Inside the Actor's Studio" and he was talking about the shooting of close encounters and how Spielberg made them stare at the empty space on things that were going to be added digitally later, he said that in half of Spielberg's movies the actors have this "Have you figured out what we are looking at yet" look on their faces!
Post a Comment