الاذاعة و التلفزيون
انا هااتكلم فى العموم
بتحب ايه اكتر و الاذاعة ولا التلفزيون , بتحب تتفرج على البرامج , ولا تسمع البرامج
انا بالنسبالى بحب اشوف شكل اللى بيتكلم وتعبيرات وشه , بس المسلسلات الاذاعية دى تحفة , وبتبين الفنان الموهوب من اللى بيدعى
لانه مطالب انه يوصلك المشهد والاحساس بنبرة صوته بس
طبعا مش هااقول اسامة منير ولا هندسة اذاعة نجوم اف ام
انا بتكلم عن حاجة زمان , قبل مايطلع البرنامج ده بتاع موبينيل
دقولتى بفلوسى اعمل برنامج و بالاسم اللى انا عاوزه
لو سالت والدتك هتقولك الاذاعات والبرامج اللى بتسمعها ومواعيدها , وعمرها ماهاتعرف معاد برنامج فى التلفزيون الا برنامج شريف , واو معاد المسلسل اللى بتشوفه
يمكن علشان الاذاعة او الراديو بيديها حرية انها تعمل شغلة , او تخلص الطبيخ او شغل البيت و هية بتسمع الراديو , لكن التلفزيون لازم تقعد جمبه
من فترة وانا بفكر اقدم فى اذاعة , واشتغل فيها
بس ماجاش فى دماغى انى اقدم برنامج , انا كل اللى كنت بفكر فيه انى اشارك فى برنامج , اعده و حد يقدمه ,
بس جه فى دماغى انى اعمل اختبار صوت على المايك و اشوف صوتى عامل ايه فى الاذاعة
ولسة ماقررتش , يمكن علشان الدراسة , يمكن علشان الكسل , يمكن علشان اسباب تانية
لا ماتخافوش مش اذاعة اف ام , ولا اذعة من التلفزيون المصرى , دى اذاعة جديدة انا مش هاانضم
مهما يحصل , برضه انا الاذاعة بحس ليها بسحر عجيب
كانو بيقولو ان الاذاعات مستقبلها انتهى بعد التلفزيون , لكن شوف دلوقتى كام اذاعة جديدة بتطلع , على الراديو او النت , او الدش
شوفو امريكا اللى كل ولا ية فيها كام ا لف اذاعة , للمرور و الطقس و الطبخ و الملابس و
ولا انتم ايه رايكم فى الاذاعة
About Me
- Ensan
- I am ordinary man " Independent, Adventurous, , Funny, Aggressive, Calm, Passionate...", love the people,Like to be with Friends, Love to be alone, love the fun but If there is work i do the best in my work, have nothing special except being Human, i love reading , see the world around me ,
- arab (1)
- Cinema (3)
- Conflict Management (3)
- Country (5)
- Definitions (1)
- egypt (3)
- free (1)
- hallucination (10)
- internet (1)
- life skills (5)
- marionette (1)
- memories (2)
- Personal Skills (4)
- politics (5)
- press (1)
- quotes (3)
- ramadan (7)
- songs (3)
- world (1)
- اذاعة (1)
- المولد (1)
- انترنت (2)
- بشر (9)
- تصرفات (3)
- تكنولوجيا (5)
- سلوك (3)
- فاجومى (1)
- مأمون المليجى (1)
- ماريونيت (1)
Subscribe to:
Post Comments (Atom)
7 comments:
بجد الراديو ده عالم تانى
June 16, 2007 9:37 AMانا ادمنته من سنين
و السبب بابا
و مش حانسى المسلسلات الاذاعيه بالليل و اللقاءات
و الاغانى القديمه
و البرنامج الاوربى و حاجااات كتير
انا لحد دلوقتى مقدرش استغنى عنه حتى فى السفر
بس للأسف حتى الراديو و اذاعاته و مذيعينه
ضربهم فيرس التقليد و الدندشه المستفذه و الاعلانات!!
انا باحب التليفزوين أكتر بكتير .. يمكن لانى مش متعودة على الراديو .. و أنا صغيرة كنت فاكرة ان الراديو هو إذاعة القرآن الكريم ... و بعد كده كنت من متابعين نجوم اف ام و لا زالت .. يعنى هى اللى ودتنى لسكة الراديو .. لكن بعدما مستواها نز أو يمكن أنا اللى كبرت ... بدأت أدور على محطات تانية ، البرنامج الموسيقى ، الشرق الأوسط ... مش باتابع حاجة معينة بس لو لقيت حاجة كويسة باقف عندها
June 17, 2007 11:09 AMالصراحه الاذاعه زمان كانت اجمل بكتير وكانت مصر كلها بتتلف حوالين الراديو بس دلوقتى خلاص مبقتش زى زمان زمان كان الجهاز الاعلامى رقم واحد لكن دلوقتى خلاص وبقا كله اعلانات ياراجل ده حتى اذاعه القران الكريم الشيوخ برضه مش زى زمان دلوقتى الرياده للدول الخليجيه فى المقرئين وعلى فكره انا معجب جدا بال
June 18, 2007 9:47 PMblog
بسمالله ماشاء الله حاجه جميله جدا انا لسه عامل
http://amrelbeblawy.blogspot.com
ياريت تشوفه وتقولى رأيك وتقولى على اى اقتراحات وبالنسبه للمصرى اليوم انت الى بعتلهم ولا هما الى نشرو من عندك لوحدهم وكده وشكرا جزيلا
عمرو الببلاوى
دنانير
June 19, 2007 10:35 PMشرفتينى بالزيارة , وماتنسيش لو عرفتى حل تبعتى sms على رقم البرنامج
يمكن تفوزى معانا وتكونى على ا لهوا مع نجمك المفضل
دى بقت اذاعاتنا
سايكو
الراديو ميزته اللى بعشقها انه كان فيه اختيارات كتير , قبل مايكون ع ندك الدش كان عندك اذاعات كتير , وتقدر تسمع اللى انت عاوزه , اذاعات عربى واجنبى و تتخيل
البرنامج الموسيقى كان ولا زال من ابحاجات اللى لازم اتابعها
عمرو
المقرئين بتوعنا فيهم ناس كتير حلوة , بس مابيطلعوش , شوف الخليج الشيخ منهم يبقى معاه فلوس ينزل الشرايط و يطلع قناة فكل الناس بتعرفه
ةمعلش مش واخد بالى , قصدك ايه بموضوع المصرى اليوم ؟؟
انا عرفت البلوج بتاعك من خلال المصرى اليوم فكنت عاوز اعرف وصلتله اذاى واتمنى انك تزور البلوج بتاعى وتفيدنى بأرائك واقتراحاتك
June 20, 2007 9:29 PMعزيزى انسان
June 22, 2007 9:16 AMبقالك انت كتير ما بتمرش عليا وعلشان مريت عندى
انا بمر المرة دية هنا مش علشان اكتب تعليق
ولكن بمر علشان اقول الف شكر على مرورك
عندى وكتابة كلامتين اسعدونى فى مرضى
دة جميل فوق راسى وابسط شئ لرد جزء بسيط
من هذا الجميل انى اجى لغايه هنا واقول ...شكرا
الأذاعه طبعااا
July 15, 2007 11:26 AMمش بحب التلفزيون و لا بحب اتابعه اساسا
الإذاعه ليها سحر خاص
:)
تقديري
Post a Comment