توهان , غلبان , عطشان ,’ قرفان ..... واى حاجة على وزن افعان
--------------------
مجرد تعليق , هو ا لاستاذ اشرف مروان كان ساكن فى نفس الشقة اللى كانت فيها سعاد حسنى
ولا هوة بلوكونات لندن كلها بقت مايلة و بتوقع الناس منها
المقاولين المصريين نقلو النشاط للندن با مينز , طب هوة مااخدش شقة فى مدينتى ليه , ده حتى كانو هايعملولو ديسكونت هايل وكان هيلاقى مكان يركن فيه عربيته
-------------------------------
ميلودى بتزيع قرأن , قبل مانعرف الخبر ده , او تعليق جالى , هو الحج ميلودى نفسه مات ولا ايه
انا طلعت فيها وقلت يمكن ميلودى مان ( بطل اعلانات ميلودى تتحدى الملل ) هيطلع بعد القران ويقول انهم كده بيتحدو ملل الكليبات والرقص والحاجات الحلوة دى
-------------------------------------
انا بقيت بختفى كتير كده ليه , مش عارف ايه الموضوع باين طاقية الاخفا اللى معايا بتشتغل لوحدها
هية دى المشكلة الصناعة الوطنية , طاقية الاخفا مش مزبوطة , بتشتغل لوحدها وبتطول وتبطل لوحدها , مانشوف طاقية مستوردة من الصين , على الاقل مش هتطول فى الشغل و هتبطل على طول
---------------------------------
بمناسبة الثانوية العامة , الحمد لله بدعى لمنة والله , وبدعى لاحمد ولكل اللى عاوز دعوة , قولو امين احنا داخلين على اخر الامتحانات
نصيحة لشباب ثانوية عامة , استمتعو بوقتكم قبل ما تتدخلو الجامعة اى كانت الكلية
واستمتعو بالجامعة قثبل ماتتنيلو وتبقى على الرصيف
------------------------------------
طول عمرى بقول ان الاكتئاب ده جرثوم بيتنقل بالهوا , بس انا مكنتش بتأثر بيه علشان عندى على طول
بس الجديد ان الظروف الوحشة برضه بقت جرثوم , مجموعة من الظروف الوحشة جدا بتعدى عليا الايام دى , ربنا يسترها ويجيب العواقب سليمة , ويكفيكو شر الاسابيع اللى كل ايامها تلات
------------------------------------------------------------
الاسكندرية , الاسكنرية , وكمان مرة الاسكندرية
والباشا , الباشا , الباشا الكبير
عادل بيه يا جدع , وسمعنى سلام بودعك
--------------------------------------------------------
المفترض ان القطر فيه تانية مكيفة , يعنى اللى معاه فلوس بيدفع علشان يبقى مستريح على الكرسى ومستريح من الحر
بس من امتى الحاجة مزبوطة فى البلد دى , لا الكراسى مزبوطة ولا اللى شغال ده تكييف
-----------------------------------------------------------------------------
مجرد كلمات , وهنرجع تانى , بس المرادى مش هنغيب , انتظرونا
12 comments:
طبعا الحاج أبو الحج صاحب ميلودي علي مايبدو فقد أتزانه يمكن كان مكتر في الشرب وجت له لطشه هوا نزلته تحت ،والحقيقه أنا مستغربه يقولوا عليه واحد وستين سنه لأني فاكره المجلات اللي نشرت صور فرحه وكنت طفله صغيره ، وكمان أبنه عنده 43 سنه يبقي كان مخلفه وهو طالب في الثانوي ولا أيه ؟
June 30, 2007 8:44 AMأما بقي الأكتئاب والحاجات دي فهي تصيب الناس الحساسين جدا ، وأنا والآكتئاب أصدقاء بيصعب عليه يفارقني لأنه بيحبني جدا ، وربنا معاك ويفوت عليك كل تلات بخير يارب
ايه يا عم التجليات الغريبه دى
June 30, 2007 6:41 PMانت ماكنتش تعرف ان الاكتاب عدوه لا ابقى تعالى وانا اعلمك
شكرا لزيارتك مدونتى ويا رب تيجى على طول
هسأل سؤال بسيط
July 01, 2007 1:07 AMهو قصر القبة مافيهوش بلكونات؟
انا اول مرة ازور مدونتك
July 01, 2007 1:44 AMولفت نظرى الاسم انسان
بس ليا ملحوظة
اللون الأورنج بيخلى العنين تزغلل شوية
-
-
يظهر ان بيوت لندن مبنية على سوست هزازى
ومش بتوقع غير المصريين بس
وبالذات فى الصيف
عشان وهم بيقعوا يتهزو وياخدو شوية هوا
نعمل
ايه -
-
ادعوك لزيارة مدونتى
تحياتى
مكسوفة
July 01, 2007 2:29 AMنورتينا من زمان ماجيتيش عندنا , طب استنى اعزمك على واحد شاى انجليزى بس مش فى ا لبلكونة
ياريت يلغو التلات من الاسبوع
ويارب الاكتئاب يكرهك وتخسرى صحوبيته اللى بتجيب وجع الدماغ والقب
بندقة
ربنا يبعد عنك الاكتئاب يا بندقة , وتفضلى بندقة على طول
وماتخافيش انا هااجى بس هااكون مدارى علشان مااعدكيش
سوسة
منورة يا فارساهم
اجابة ابسط , هوة قصر القبة فى لندن ؟؟؟
اه يا دماغه ( علشان دماغى مش ناقصة :) )
انا راى ننقل كل البيوت المهمة اللى فى مصر لندن , علشان يتهزو براحتهم
بص دى فوازير سايبن الشعب يقعد يخبط فى نفسه و ياكل دماغه فى حلها بس
July 01, 2007 12:45 PMالبلكونات كويسة جدا و الحمد لله
بس العيب فى الارتفاع
سعاد حسنى الله يرحمها
الحاج ميلودى الله يرحمه سايب عمل صالح مستمر دايما على 4 قنوات
هو القناة الاولى عربيا على مستوى الكليبات
فلوس و شغل
حتى القرءان مناسبة
بص يا رب تقع بلكونات الشعب كلها
علشان يرتاحوا و نخلص
معلش يا معلم بكره تروق وتحلى
July 13, 2007 1:39 PMعلى فكره
انا عامله تجمع بلوجرى جامد جدا بمناسبة نجاحى وتخرجى على خير
والتفاصيل على مدونتى الصغنونه..اللى من غير فذلكه
حلوة قوى التجليات دى ...اعتقد انها مرت على دماغ كل واحد فينا ...بالذات موضوع الاكتئاب ....داه خلاص بقى عادى جدا" داه مابئاش مرض دى خلاص بقى فى الجينات بتعتنا ...تحياتى ليك ...
July 14, 2007 12:48 PMاسم تجليات لفتي نظري بشدة
July 14, 2007 11:40 PMفكرني بروعة الاديب الكبير جمال الغيطاني ومؤلفه الضخم تجليات
طبعاً هو بعيد كل البعد عن تجلياتك
وفكرتني بمنير شبابيك
الكلام كان كان عليك واللي كان خايف عليك انتهى من بين ايديك
المهم خلي بالك انك تحبس نفسك في دايرة الإكتئاب دي
ومنير قالك في دايرة الرحلة
تروق بينا تحلى
أه ياحبيب عمري وضحكتي وقمري
عيون مرة تباعد خطاوى مرة تعاند
ياريت الموود يتغير المره الجايه
على فكرة اخراج البلوج جميل
أتمنى تشريفك لي في مدونتي
هاتنور بزيارتك ليها
ودعوة أخرى لزيارة مدونة شاعر من الطيور المهاجرة تستحق الزيارة
http://mosaiiic.blogspot.com/
جميل أوووووووووي
July 15, 2007 11:24 AM:))))
منتظرين المزيد
السلام عليكم.......عندى موضوع مهم لازم تشاركونى فيه ضرورى
July 21, 2007 11:56 AMاسف جدا على التأخير يا جماعة
July 22, 2007 4:04 AMislam
ايه ياعم , انت عاوز توقع بلكونات الشعب كلها مش كفاية مش لاقيين بلكونات اصلا
Meho
شكرا على مرورك
حسن ارابيسك
مدونة رائعة وانا من المتابعين
والقادم اجمل
شكرا على المرور و ويارب نشوفك دايما
Post a Comment