زمان
كان يا ما كان , كان الزمان وكان
دوم دوم
اصحى يانايم وحد الدايم ..... رمضان كريم
اصحو يا ولاد الحقو المسحراتى فى الشارع اهوه
وله يا احمد بت يا منى , يلا نلحق المسحراتى
ماتتأخروش لفو وراه شوية على مااحضر لكم السحور
وحوى يا وحوى
وكمان وحوى
زمان
بس مش زمان قوى
دوم دوم
اصحى يا نايم وحد الدايم
اصحى يا واد انت واخوك الحقو المسحراتى
ماما ممكن نقف فى البلكونة نشوف المسحراتى
اقفو شوفوه على مااحط السحور
زمان
بس مش زمان , بس هنغير المكان
اه اخاصمك اه ,
ميدو شوف مين اللى باعتلك رسالة
وبعدين غير النغمة دى احنا اول ليلة رمضان
...........
مين اللى باعت الرسالة يا ميدو
ده الواد اكسسوار بعتلى رسالة علشان هنروح نتسحر برة
فين يا ميدو
فى كافيه بس عامل بروجرام هايل هنسهر هناك للفجر , ده حتى هايجيبو مسحراتى يطبل
قشطة , انا جاى معاك ياد
رمضان كريم
3 comments:
هييييييييه
September 23, 2006 2:02 PMانا اول واحدة اعلق
:)
كل سنه وانت طيب
على فكرة المكان هو المكان بس الزمان هو اللى اتغير
والقلوب هى هى بس التغير قفل بييبانها
والاسامى هى هى
بس المعانى الحلوه والايام الجميله فقدت رونقها وعدى زمانها
ايه الزينه الحلوة دي وايه البوست الأحلي ده
September 23, 2006 3:21 PMكل سنه وانت طيب انت والعائله الكريمه ومتعك بالصحه والعافيه وحقق لك أحلامك بأذن الله
moorgen
September 23, 2006 10:25 PMمبروك اول تعليق , بس لو زرتينى كتير هاتعلقى اول تعليق دايما - هااحجزهولك بس انتى ماتتأخريش فى الزيارة
ومعاكى حق , المعانى الحلوة فقدت رونقها , معدش حد مهتم بيها , بس الحياة هبا اللى اتغيرت عادت لهية الناس
MAKSOFA
منورة البلوج , وتحت امرك بوصل الزينات لاى واعلقها كمان لو تحبى , اتصلى بخدمة التوصيل متخت امرك
وانتى بالف صحة وعافية و منورة البوجات
Post a Comment