ياترى نفسك فى ايه
ياترى لما بتدعى بتفتكر عاوز تدعى فى ايه
ليه ماتجهزش لسة باللى عاوز تعمله فى رمضان يعنى
مثلا
, عاوز اختم القرأن مرة
" قال صلى الله عليه وسلم( الصيام والقرآن يشفعان للعبد يوم القيامة يقول الصيام: أي رب منعته الطعام والشهوة فشفعني فيه ، ويقول القرآن: منعته النوم بالليل فشفعني فيه .قال: فيُشفعان )رواه احمد والطبراني وصححه الألباني
, عاوز اختم القرأن مرة
" قال صلى الله عليه وسلم( الصيام والقرآن يشفعان للعبد يوم القيامة يقول الصيام: أي رب منعته الطعام والشهوة فشفعني فيه ، ويقول القرآن: منعته النوم بالليل فشفعني فيه .قال: فيُشفعان )رواه احمد والطبراني وصححه الألباني
وعاوز اصلى النوافل: – ده اوكازيون , النافلة فى رمضان = فرض فى غير رمضان وياعينى بقى لو صليت كل الفروض فى الجامع ( هوباااه , ده انا كده ابقى جبت الخلاصة)ولا ايه
ويا سيدى لو قعدت يوم بعد الفجر لغاية الشروق تقرأ قرأن و تذكر الله " من صلى الفجر فى
جماعة ثم جلس يذكر الله حتى تطل الشمس فصلى ركعتين كتبت له حجة وعمرة تامة تامة تامة
طب لو قعدت بعد صلاة العصر فى الجامع , انت واصحابك تقرو قرأن ... فكرت فيها ؟؟ بص كده : (ما اجتمع قوم في بيت من بيوت الله يتلون كتاب الله ويتدارسونه بينهم إلا نزلت عليهم السكينة وغشيتهم الرحمة وحفتهم الملائكة وذكرهم الله في من عنده )رواه مسلم
لا انما ايه بقى لو صليت التراويح فى جماعة
قال صلى الله عليه وسلم( من قام رمضان إيمانا واحتسابا غفر له ماتقدم من ذنبه ) متفق عليه.•وقال
( من قام مع الإمام حتى ينصرف كُتب له قيام ليله) رواه أهل السنن وحسنه الترمذي
طب لو اتصدقنا شوية ( اهو حبة من المصروف – مااحنا موفرين الاكل برة و قاعدين فى البيت بدل
مانصرفهم على القهوة بالليل نطلع كام يوم صدقة فقد كان رسول الله صلى الله عليه وسلم أجود الناس وكان اجود مايكون في رمضان حين يلقاه جبريل يلقاه كل ليلة فيدارسه القرآن فرسول الله صلى الله عليه وسلم حين يلقاه جبريل أجود بالخير من الريح المرسلة.) متفق عليه
طبعا لما نيجى نفطر ندعى لنفسنا " للصائم عند فطره دعوة لا ترد " طب ماتيجى ندعى بالمغفرة لكل المسلمين ( ياااااااااه ده انت الملائكة هاتدعيلك بعددهم , شوف العز اللى هتبقى فيه لأ وايه دى الملايكة اللى هاتدعيلك ياعم
قال صلى الله عليه وسلم: (إن لله تبارك وتعالى عتقاء في كل يوم وليلة – يعني في رمضان –وإن لكل مسلم في كل يوم وليلة دعوةً مستجابة ) رواه البزار وقال اللباني:صحيح لغيره.•وقال ( ثلاث دعوات مستجابات : دعوة الصائم ودعوة المظلوم ودعوة المسافر ) رواه البيهقي وصححه الألباني
طب انا بسمع عن الاعتكاف سمعت عنه
طب انا بسمع عن الاعتكاف سمعت عنه
كان النبي صلى الله عليه وسلم يعتكف العشر الأواخر من رمضان حتى توفاه الله ) ..متفق عليه فلما كان العام الذي قبض فيه اعتكف عشرين يوما
ماجربتش قبل كده , ولا انت زى حالاتى مش فاضى بتصحى الصبح تجرى على الكلية و مش هاينفع تعتكف فى الجامع
طب ايه رأيك ليها حل
كل ماتيجى تدخل الجامع حتى لو داخل لصلاة قول " نويت الاعتكاف فى المسجد مادمت فيه " حتى لو قعدت 5 دقايق اهو اتكتبت معتكف وابسط يا عم
طب نشوف كده السحور
, انا عارف انك بتكون نايم ومنعوس و مش قادر تصحى , وعارف انك بتقدر تصوم من غير ماتتسحر بس استنى بس , بص كده
, انا عارف انك بتكون نايم ومنعوس و مش قادر تصحى , وعارف انك بتقدر تصوم من غير ماتتسحر بس استنى بس , بص كده
قال النبي صلى الله عليه وسلم: السحور أكلة بركة فلا تدعوه ولو أن يجرع أحدكم جرعة من ماء فإن اله وملائكته يصلون على المتسحرين ) رواه أحمد وحسنه الألباني
طب نفسك فى أيه تانى ؟؟؟ ماتجهز كده اللى نفسك فيه , احنا لسة ماعداش الا يومين , الحق قبل رمضان مايخلص
انا مش بقولك اعمل المستحيل - مع انه رمضان ويستاهل - بس اهو ادينا ينعمل حاجة احسن مانطلع من مولد بلا حمص
قال النبي صلى الله عليه وسلم: ( رغم أنف رجل دخل عليه رمضان ثم انسلخ قبل أن يغفر له )رواه الترمذي وصححه الألباني
وفى الاخر خد بالك من حاجة وقال صلى الله عليه وسلم ( إذا جاء رمضان فتحت أبواب الجنة وغلقت أبواب النار وصفدت الشياطين ) متفق عليه
يعنى الشيطان اللى معاك محبوس ياحلو , يعنى انت شيطان نفسك
وكل سنة وانتم طيبين
وفى الاخر خد بالك من حاجة وقال صلى الله عليه وسلم ( إذا جاء رمضان فتحت أبواب الجنة وغلقت أبواب النار وصفدت الشياطين ) متفق عليه
يعنى الشيطان اللى معاك محبوس ياحلو , يعنى انت شيطان نفسك
وكل سنة وانتم طيبين
6 comments:
كلام جميل جدا .. بس يا ترى ممكن نقدر ننفذه .. ياريييييييييييييييت
September 27, 2006 7:23 AMكل رمضان الواحد يقول هعمل وهعمل وبس
إحنا طول السنه بنعمل ذنوب وربنا عملنا رمضان عشان يرحمنا منذنوبنا ويتوب علينا ..........وكمان عشان يرجعنا للطريق الظبوط ....تخيل لو الواحد عبد ربنا صح 30 يوم تتخيل يقدر يرجع للذنوب
September 27, 2006 7:31 AMيا ريت الواحد يقدر يعمل ده
September 27, 2006 10:36 AMالمشكلة فى النفس الأمارة بالسوء.. ادى الشياطين مسلسلة بالاغلال.. بس المشكلة فى النفوس
و بعدين الارادة لازم تكون قوية الى حد ما
على العموم .. ربنا يقدرنا كلنا و نقدر نصوم رمضان و نقوم ليله ايمانا واحتسابا
و رمضان كريم
LAMIA MAHMOUD
September 27, 2006 3:53 PMان شاء الله هنقدر , ان ماعملناش كل الكلام و يبقى على الاقل عملنا جزء واجتهدنا
human
المهم البداية , اننا نفوز بثواب رمضان
بنـت ســعد
ان شاء الله
كل سنه وانت طيب وربنا يجعلنا من العتقاء من النار فى الشهر الفضيل ويارب نحاول بس نتمسك لو بحاجه صغيرة ونثبت عليها بعد رمضان ..........امين
October 01, 2006 11:13 AMكل سنة وانتم طيبين
October 01, 2006 4:54 PMPost a Comment